Lembanyutha 12:3 - The Holy Bible In Alur (Lur) Revised Orthography

³ E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 12:3 ပူးပေါင်းရင်းမြစ်များ

Isaya 27:1

I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

Isaya 51:9

Ceu, ceu, rony tego, E bot Yehova; ceu, calu i nindo ma con, dhanum’utuk mi nindo ma con. En e in ungo m’itong’o Rahab nziki nziki, m’idhuyo ng’ec de?

Isaya 9:15

Jadit ku won yung, en e wie; man jabila m’uponjo ku ndra, en e yib.

Daniel 2:41

Man calu ineno tielo ma nyono ng’om ku nyiglwet tielo, kume moko ulobo pa jacwiagulu, man kume moko mi nyunyu, ebibedo ker m’upokre; ento tego mi nyunyu bibedo i ie, kum ineno nyunyu m’ujebre kud ulobo ma foth.

Daniel 2:42

Man calu nyiglwet tielo kume moko nyunyu, man kume moko ulobo, kumeno ng’et ker moko bibedo tek, ng’ete moko bibedo ng’ic.

Daniel 7:20

man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Daniel 7:24

Man pi tunge apar, en e ubimo apar ma biwok i ker maeni: man mange biwok yo ng’eigi; man ebibedo tung’ ku ma kwong’ane, man ebiredho ubimo adek.

Lembanyutha 12:1

Man giranyutha ma dit unen i polo: dhaku m’uronjre ku ceng’, dwi de ni the tiende, man jamkermiwic mi cero apar wi ario ni i wie;

Lembanyutha 12:13

Man ka ng’ec uneno nia jubole piny i ng’om, enyayu ragedo kum dhaku m’unyolo nyathin ma nico.

Lembanyutha 12:17

Man kwinyo nego ng’ec dwanya kum dhakune, man ecidho nitimo lwiny ku kodhi dhakune m’udong’, m’ugwoko lembang’ola pa Mungu, m’umaku lembatuca pa Yesu Kristu de:

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.

Lembanyutha 12:7

Man ali ni i polo: Mikael ku malaika pare gibecitimo ali ku ng’ec; ng’ec de gikiedo man malaika pare;

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.

Lembanyutha 13:4

man girwo ni ng’ec, kum emio ng’ol pare ni yedi; man girwo ni yedine, giwacu kumae, Ng’a ma calu yedi maeni? man ng’a ma copo kiedo lwiny kude?

Lembanyutha 15:1

Man aneno giranyutha mange i polo, ma dit ku ma wang’u ijo, malaika abiro ma weg masendi abiro, m’udong’ cen, kum i igi kwinyo pa Mungu thum.

Lembanyutha 16:13

Man aneno tipo m’ucido adek ma calu ungwal uai kud i dhu ng’ec, man i dhu yedi, man i dhu jabila mi ndra:

Lembanyutha 17:12

Man tung apar m’ineno gin ubimo apar ma fodi gikujolo ker ungo; endre gijolo ng’ol calu ubimo, karacelo ku yedi, kind saa acel.

Lembanyutha 17:16

Man tung apar m’ineno, ku yedi, maeni bidagu dhaku ma won asara, man gibiweke lwe man muneru, man gibicamu ring’kume, man gibiwang’e pet ku mac.

Lembanyutha 17:7

Man malaika wacu ira kumae, Ii wang’ lii nedi? Abiyero iri pi giramung’a pa dhakune, man pi yedi m’uyeye, ma wie abiro tunge ke apar.

Lembanyutha 19:12

Man wang’e calu lebmac, man jamkermiwic dupa ni i wie; man ebedo ku nyinge m’ugore ma ng’atu moko mbe m’ung’eyo ndhu en gire.

Lembanyutha 20:2

Man emaku ng’ec, ma thwol ma con, ma en e Wonabali ku Jok, man etwie mi rundi rubanga acel,