Lembanyutha 12:2 - The Holy Bible In Alur (Lur) Revised Orthography

² ie de nuti; man eywak, m’ebesendre ku remokum mi nyodo, man eni i remokum m’enyol ko.

Lembanyutha 12:2 ပူးပေါင်းရင်းမြစ်များ

Isaya 26:17

Calu dhaku ma ie nuti, m’ucoro ceng’ni i nindo mi nyol pare, bedo i remokum man ywak i remokum pare; e wabedo i weng’i kumeca, E Yehova.

Isaya 53:11

Ebineno sendri mi ng’eyong’ec pare, e cwinye bikwio: ni kum ng’eyong’ec pare gire jatic para ma pwe bigonyo lembe ma wi dhanu dupa; man ebiyeyo kier migi.

Isaya 54:1

Wer, E mugumba, in m’inyol ungo; moc ku wer, man ikok ma tek, in m’isendri ngo ku nyodo: kum nyithindho pa ng’atu ma kende gi dupa ma sagu nyithindho pa dhaku ma jugamu, Yehova wacu.

Isaya 66:6

Dwal mi yakni kud i adhura, dwal kud i hekalu, dwand Yehova m’uculo kwor kum judegine.

Mika 4:9

Nedi ikok ma teki? Ubimo moko mbe ii, japorlembe peri rwinyo, ma nia remokum umeki calu dhaku ma ceng’ni nyoli?

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Matayo 24:8

Ento gin maeni ceke en e landu wi can.

Yohana 16:21

Ka moc ugoyo dhaku can nege, kum saa pare wok: ento kan edaru nyolo nyathin epoi pi ndiba kendo ngo, ni anyong’a m’unege nia enyolo dhanu wok i ng’om.

Jugalatia 4:19

Nyithindho para ma thindho, m’abesendra i kumwu ku masendi ma junyol ko cil maram Kristu bidongo ko i iwu,

Jugalatia 4:27

Kum egore kumae, Anyong’a negi, in i jamugumba m’inyol ungo; Goi dhogi man ikok akoka, in m’isendri ngo ku nyolo nyodo: Kum nyithindho pa ng’atu m’ubedo kende sagu pa ng’atu ma ju cware.

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.