Lembanyutha 12:10 - The Holy Bible In Alur (Lur) Revised Orthography

¹⁰ Man awinjo dwal ma dit i polo, m’uwacu kumae, Kawono both uwok, man tego man ker pa Mungu mwa, ku ng’ol pa Kristu pare: kum jubolo jagob utumegwa piny, en m’egobogi i wang’ Mungu mwa dieceng’ ku diewor.

Lembanyutha 12:10 ပူးပေါင်းရင်းမြစ်များ

I Lemkei 29:11

E Yehova, dit, man tego, man yung, man aloci, ku dwong’ en e peri: kum gin ceke ma ni i polo ku ma ni i ng’om en e peri; ker en e peri, E Yehova, man judodi calu wie wi gin ceke.

Kitabu Pa Yob 1:11

Ento riei cingi kawono, man imul gin ceke m’ebedo ko, e ebicei i weng’i.

Kitabu Pa Yob 1:9

Jok ulund uloko lembe ni Yehova, man ewacu kumae, Yob ulworo Mungu mananu?

Kitabu Pa Yob 2:5

Ento riei cingi kawono, man imul cogone ku ring’kume, e ebicei i weng’i.

Zaburi 22:28

Kum ker en e pa Yehova; Man en e jabim wi thek.

Zaburi 45:6

Komker peri en e mi nja ku nja, E Mungu: Uluth m’atira en e uluth mi ker peri.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Matayo 26:64

Yesu wacu ire kumae, Iwacu: endre awacu iwu kumae, Ugambre kawono wubineno Wod dhanu ujany yo ku cing’ ma yor acwic mi Tego, kan ebebino de ku i afuru m’i polo.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Matayo 6:10

Ker peri bin, Yeny m’iyenyo utimbre i ng’om calu etimbre i polo.

Luka 11:2

Man ewacu igi kumae, Ka wurwo, wuwac kumae, Wegwa, nyingi bed leng’. Ker peri bin. Yeny ma ii yenyo, utimbre i ng’om, calu m’i polo.

Luka 22:31

Simon, Simon, nen, Jok upenjo nia ebed kudi, kara epiedhi pami nganu:

1 Jukorinto 5:4

i nying Rwoth mwa Yesu, wun ma wucokru karacelo, ku cwiny a de, ku tego pa Rwoth mwa Yesu,

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Tito 2:3

ya mon m’uti bende ku meno bedo migi bed m’umaku piny, ku gigob agobe, ku gibed andrej pigulok, gibed juponji mi gin ma ber;

1 Petro 5:8

Wubed nger, wuki de; jakwojwu ma wonabali, calu umvor m’ubeywak, ubewotho ku ku ku, m’ebeyenyo ko ka ng’atu m’ecam:

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 2:26

Man ng’atu m’uloyo, ku ng’atu m’ukuro tic para de cil i kajikne, abimie ng’ol wi thek:

Lembanyutha 7:10

man gikok ku dwandgi ma dit, giwacu kumae, Both ubed ni Mungu mwa m’ujany wi komker, man ni Nyathi Rombo.