Lembanyutha 12:1 - The Holy Bible In Alur (Lur) Revised Orthography

¹ Man giranyutha ma dit unen i polo: dhaku m’uronjre ku ceng’, dwi de ni the tiende, man jamkermiwic mi cero apar wi ario ni i wie;

Lembanyutha 12:1 ပူးပေါင်းရင်းမြစ်များ

2 Lemkei 32:31

Ento i lembe mi jukwenda mi judongomawijo mi Babeli, m’uoro kwenda i bang’e kara gipenj pi gin ma wang’uijo m’utimbre i ng’om, Mungu weke, kara emul ie, kara eng’ei gin ceke ma ni i adundene.

Zaburi 104:2

M’iumbri giri ku der calu ku kendi; M’irieyo polo calu kusika mi bongu;

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Wer Pa Suleman 6:10

En e ng’a m’uneno piny calu kugweno, Ber calu dwi, Leng’ calu ceng’, Jang’oindiri calu njuru asikari kud abera?

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 62:3

Ibibedo jamkermiwic mi leng’ bende i cing’ Yehova, man giratwia m’i wie mi ker i cing’ Mungu peri.

Zekaria 9:16

E Yehova Mungu migi bibodhogi i ceng’ maeca calu udul mi dhanu pare; kum gibibedo calu kidi mi jamkermiwic, ma juting’o malu wi ng’om pare.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 12:38

Jugorcik kucel ku Jufarisayo gilund giloko lembe ire, giwacu kumae, Japonji, wayenyo wanen giranyutha i beng’i.

Matayo 24:30

e giranyutha pa Wod dhanu bilund wok i polo: e can bilund nego suru ceke m’i ng’om, man gibineno Wod dhanu bebino wi afuru m’i polo ku tego ku dwong’ ma dit de.

Marko 13:25

cero de bipodho kud i polo, tego mi polo de biyengre.

Luka 21:11

digidi ma dit de bibedo nuti, ndru de bibedo nge nge ku thong’om bende; ndiri de bibedo nuti ku giranyutha ma dit m’uai i polo.

Luka 21:25

Giranyutha de bibedo nuti i ceng’ ku dwi ku cero; i ng’om de lem ma tek mi thek, i ang’abacwiny kum woi mi nam man mukura;

Yohana 3:29

Ng’atu m’ubedo ku mugole en e cwar mugole: ento jarim cwar mugole, m’ucungo m’uwinje de, anyong’a kwa nege kum dwand cwar mugole: ka kumeno anyong’a maeni timbre kakare.

Tic Mi Jukwenda 2:19

Man abinyutho musana malu i polo, Ku giranyutha ma piny i ng’om de; Rimo, ku mac, ku lietho mi yiro de:

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

2 Jukorinto 11:2

Kum ngiri benega piwu en e ngiri ma ayi Mungu ni i kume: kum adhumowu ni nico acel, kara aterwu ni Kristu calu nyaku ma leng’ ma sumba.

Jugalatia 3:27

Kum wun ceke ma jumio baputisi iwu i Kristu wuronyo Kristu.

Jugalatia 4:26

Ento Yerusalem ma malu bedo agonya, ma en e megwa.

Jugalatia 6:14

Ento ayenyo ya kud alula, ento kum yen m’athara pa Rwoth mwa ma Yesu Kristu kende, ma ng’om ubedo agura ira ni kume, an de ni ng’om.

Juefeso 5:32

Giramung’a maeni e dit; ento ayero pi Kristu man pi kanisa.

Lembanyutha 1:20

giramung’a mi cero abiro m’ineno i cinga ma yor acwic, man mi thethala abiro mi mola ma kwar. Cero abirone gi malaika mi kanisa abiro: man thethala abirone gi kanisa abiro.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 15:1

Man aneno giranyutha mange i polo, ma dit ku ma wang’u ijo, malaika abiro ma weg masendi abiro, m’udong’ cen, kum i igi kwinyo pa Mungu thum.

Lembanyutha 21:14

Man the gang’ mir adhurane apar wi ario, man i wigi nying’ apar wi ario mi jukwenda apar wi ario pa Nyathi Rombo.

Lembanyutha 21:23

Man adhurane can ceng’ umbe i kume, kadok mi dwi de, nia urieny i wie: kum dwong’ pa Mungu care, man thalane en e Nyathi Rombo.