Lembanyutha 11:8 - The Holy Bible In Alur (Lur) Revised Orthography

⁸ Man avujgi vuto i gengi mir adhura ma dit, ma julwong’o Sodom ma ku tipo, man Misiri, ka ma juguro ie Rwoth migi bende.

Lembanyutha 11:8 ပူးပေါင်းရင်းမြစ်များ

Thangambere 13:13

Nwang’u dhanu mi Sodomne gi weg gondri man judubo ni Yehova dit apila.

Thangambere 19:24

Yehova lund ukonjo mac ku muganga wi Sodom man wi Gomora kud i polo ku ba Yehova;

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Isaya 3:9

Nen ma gineno ko dhanu tung’ tung’ i wang’gi nyutho lembe i kumgi; man giewo dubo migi calu Sodoma, gipane ngo. Can wi ng’eyong’ec migi! kum gitimo rac i kumgi gigi.

Yeremia 23:14

Aneno gin ma judagu i jubila mi Yerusalem bende; gidubri swa, man giwotho ku ndra; man gimio tego ni cing’ jutim rac, ketho ng’atu moko mbe m’udwogo kud i dubo pare: kagi ceke gidoko ira calu Sodom, man ju m’ubedo i ie de calu Gomora,

Yeremia 26:23

e giwodho Uria ku i Misiri, man gitere ba Yehoiakim m’ubimo, m’unege ku palamularu, ebayu avuje de i liel mi dhanu ma sai.

Ezekiel 16:46

Man nyameru ma jadit en e Samaria, m’ubedo yo ku cingi ma yor acam, en ku nyige; man nyameru ma nok, m’ubedo yo ku cingi ma yor acwic, en e Sodom ku nyige.

Ezekiel 16:49

Nen, maeni kier pa nyameru ma Sodom: kuhaya, man dhir mi kwen, ku bedoyo mi mierolembe ni i ie man i nyige; kadok mio tego ni cing’ jacan kadi jacanpiny de emio ngo.

Ezekiel 23:19

Ento emedo asara pare, m’epoi ko pi nindo mir aradu pare, m etimo ie tarwang’ i ng’om Misiri.

Ezekiel 23:27

Abiketho asara peri jik kumeni kud i kumi, man tarwang’ peri m’ibino ko kud i ng’om Misiri; ketho nia ibiting’o weng’i malu i bang’gi ngo, kadi ibipoi kum Misiri kendo ngo.

Ezekiel 23:3

man gitimo tarwang’ i Misiri; gitimo tarwang’ i aradu migi; judio thunogi kuca, e jumulo thunogi mi sumba migi kuca.

Ezekiel 23:8

Kadi eweko asara pare ngo ugambre i nindo mi Misiri; kum i aradu pare givuto kude, man gimulo thunone mi sumba pare; man gikonjo asara migi i kume.

Ezekiel 37:11

Elund ewacu ira kumae, Wod dhanu, cogo maeni gi ot mir Israel dho, nen, giwacu kumae, Cogo mwa tal, man genogen mwa rwinyo; jung’olowa kot.

Amos 4:11

Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.

Matayo 10:15

Andha awacu iwu kumae, I ceng’ mi pokolembe, pokolembe mi ng’om Sodom ku Gomora bibedo ber ma sagu mir adhura maeno.

Tic Mi Jukwenda 9:4

e epodho i ng’om, man ewinjo dwal uwacu ire kumae, Saul, Saul, inyayu ragedo i kuma nedi?

Juebrania 13:12

Kum kumeno Yesu bende, kara edwok dhanu leng’ ni kum rimbe gire, esendre woko dhugang’.

Juebrania 6:6

e macen gilokri, e dwokogi nyen kendo ni lokocwiny copre ngo; kum giguro Wod Mungu kendo igi gigi, man gikethe ni lewic ma ngbeng’.

2 Petro 2:6

man ku loko adhura Sodom ku Gomora ni vu ru, epoko lembe rac i wigi ku nyoth m’enyotho kogi, m’edwoko kogi ni por ni ju ma gibedo ma ayi Mungu mbe i kumgi;

Yuda 1:7

Cil calu Sodom ku Gomora, man adhura m’i vutgi, ma gimiri gigi ni tarwang’ calu joca bende timo ma gilubo tok kum ma tung’ de, e jukethogi ngbeng’ calu por, ma gibesendri ku masendi mi mac ma rondo ku rondo.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:9

Man dhanu m’uai i kind kodhidhanu kud i suru ku dhok man thek gineno avujgi ceng’ adek ku ng’ete, man giyio ngo nia juyik avujgi i o dliel.

Lembanyutha 14:20

Man pany pigulok juyoke woko ng’ei adhura, man rimo ai kud i pany pigulok, cil ni utwindi mi riuni, cil ungolo dak ang’wen.

Lembanyutha 14:8

Man mange, malaika mir arionde, m’ulubo ng’eye, ewacu kumae, Babeli ma dit, upodho, upodho m’eketho thek ceke gimadhu pigulok mi kwinyo mi tarwang’ pare.

Lembanyutha 16:19

Man adhura ma dwong’ upokre ni ng’ete adek, man adhura mi thek upodho; man Babeli ma dit jupoi pire i wang’ Mungu, ya jumi ire kikombe mi pigulok mi kwinyo mi kwiny pare.

Lembanyutha 17:1

Man acel m’i kind malaika abiro ma weg tabu abiro ubino, uweco kuda, ewacu kumae, Bin kue, abinyutho iri pokolembe pa dhaku ma won asara ma dit m’ubedo wi pi dupa;

Lembanyutha 17:18

Man dhakune m’ineno en e adhura ma dit, m’ebimo wi ubimo m’i ng’om.

Lembanyutha 17:5

man nying’ ugoreternyimekumae, giramung’a babeli ma dit, meg weg asara man mi gin mir adegi m’i ng’om.

Lembanyutha 18:10

ma gicungo ko ku bor ni lworo mi ndiba pare, ma giwacu ko kumae, Can, can, adhura ma dwong’, Babeli, adhura ma tek! kum i saa acel pokolembe peri wok.

Lembanyutha 18:18

man gikok ka gineno yiro mi wang’ m’ewang’ ko, giwacu kumae, Adhura ma nedi ma calu thwon adhura maeni?

Lembanyutha 18:2

Man ekok ku dwande ma tek, ewacu kumae, Babeli ma dit, upodho, upodho, man edoko ni kabedo mi pajogi, man kol mi tipo m’ucido kubang’gi nzu, man kol mi winyo m’ucido ma judagu kubang’gi nzu.

Lembanyutha 18:21

Man malaika ma tek uting’o kidi calu en e pom ma dit man ebole i nam, ewacu kumae, Babeli, adhura ma dit bipodho ku podho ma mbwom kumeni, jubiredhe piny, man ebinwangre kendo ki ngo.

Lembanyutha 18:24

Man i ie junwang’u rimo mi jubila man mi jumaleng’, man mi ceke ma junego wi ng’om.