Lembanyutha 11:3 - The Holy Bible In Alur (Lur) Revised Orthography

³ Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

Lembanyutha 11:3 ပူးပေါင်းရင်းမြစ်များ

Thangambere 37:34

E Yakobo yeco kendi pare, man etwio gonia i piere, eywak de pi wode ceng’ dupa.

2 Samwil 3:31

Man Daudi wacu ni Yoab, ku dhanu ceke ma gini kude kumae, Wuyec kendi mu, man wutwi gonia, wuywak de i wang’ Abner. E ubimo ma Daudi lubo tok kika mir avu.

1 Ubimo 21:27

Man etimbre, kinde ma Ahab uwinjo lembe maeni, nia eyeco kendi pare, man eke tho gonia i kume, e ekwiro cam, man evuto i gonia, man ewotho yo yo.

2 Ubimo 19:1

Man etimbre kinde m’ubimo ma Hezekia winjo maeni, nia eyeco kendi pare, man eumbre gire ku gonia, e emondo i ot pa Yehova.

I Lemkei 21:16

E Daudi ting’o wang’e malu, man eneno malaika pa Yehova cungo i kind ng’om ku polo, m’ebedo ku palamularu m’arieya i cinge wi Yerusalem. Daudi ku judongo, ma gironyo gonia, gilund gipodho arieba wang’gi.

Nehemia 9:1

Nie i ceng’ pier ario wi ang’wende mi dwi maeni nyithindho mir Israel gicokri ku kwiro cam, man kud usuba, ku ng’om i wigi.

Kitabu Pa Yob 16:15

Akwoyo usuba wi dendkuma, Man aketho tung para i utur.

Zaburi 69:11

Kinde m’aketho gonia ni kendi para, Adoko ni koi igi.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Yeremia 1:10

nen, akethi tin wi thek man wi ker, kara ifudh man irwomb piny man kara inyoth man ing’iel, kara igom man ipidhi.

Ywak 2:10

Judongo pa nya Sayuni bedo wi ng’om, gibedo ling’; Gikiro utur i wigi; gitwiri gigi ku gonia; Nyir ma ng’won mi Yerusalem gikulo wigi i ng’om.

Ezekiel 4:6

Man kendo, kinde m’idaru maeni, ibivuto wi ng’eti ma yor acwic, man ibiyeyo kier mi ot pa Yuda: ceng’ pier ang’wen, ceng’ kubang’e kubang’e mi rundi, akethe iri.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 8:14

Man ewacu ira kumae, Cil i nindo mir uthieno ku kugweno rubanga ario ku dak adek; ka jubilund lonyo kamaleng’.

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Yona 3:5

Man dhanu mi Nineve giyio Mungu; e ging’olo wekocam, man gikendo usuba, ugambre kum judongo m’i kindgi cil kum nyithindho m’i kindgi.

Yona 3:8

ento wek gibed auma kud usuba, dhanu ku lim de, man wek gilwong’ Mungu ma tek; eyo, wek gilokri kubang’gi kubang’gi ng’atuman kud i yo pare ma rac, man kud i yo pare ma rac, man ku i kuvuga ma ni i cinge.

Kitabu Mir Ang’wende Pa Musa Wel 11:26

Ento dhanu ario dong’ i kagonjo, nying’ ng’atu acel Eldad, man nying’ ng’atu mucelo Medad: e Tipo bedo i wigi; man gin gi kind ju ma jugoro, ento giwok woko ba hema ngo; e giewo ku i kagonjo.

Matayo 11:21

Can i wii, Korazin! can i wii, Bethsaida! kum tek wagi tic mi musana m’utimbre i iwu utimbre i Turo ku Sidon kuno di giloko cwinygi con ku kendo usuba ku vuru.

Matayo 18:16

Ento tek ewinjoi ngo, gam ng’atu acel kadi ario mange wuci kugi, kara lembe ceke cung i jumulembe ario kadi adek.

Luka 10:13

Can i wii, Korazin! can i wii, Bethsaida! kum tek tic ma tek m’utimbre i iwu utimbre i Turo ku Sidon, kuno di gilokri con, ku bedo i usuba man vuru.

Luka 24:48

Wun wu jumulembe mi gin maeni.

Yohana 15:27

e wun bende wubinyutho lembe, kum wubedo i bang’a ugambre ku kwong’a.

Yohana 3:27

Yohana loko lembe ewacu kumae, Ng’atu moko copo jolo gin moko ngo, tek emire ire kud i polo ngo.

Tic Mi Jukwenda 1:8

Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende.

Tic Mi Jukwenda 13:31

ju ma giai kugi Galilaya ma giidho gikugi Yerusalem de ginene wang’ udul, ma kawono gi jumulembe pare ni dhanu.

Tic Mi Jukwenda 2:32

Yesu maeni Mungu ketho ecer, ma kawa ceke de wa jumulembene.

Tic Mi Jukwenda 3:15

man wunego Jathek kwo; ma Mungu ketho ecer ku kind ju m’utho; wa jumulembe de kum maeni.

1 Jukorinto 12:28

E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’.

2 Jukorinto 13:1

Maeni wang’ adek m’abebino ko i beng’wu. Ku dhu jumulembe ario kadi adek lembe ceke bicungo.

Juefeso 4:11

Man emio jumoko ya gibed jukwenda; jumoko ke, jubila; jumoko ke, juyer lembanyong’a ma juboth ko; jumoko ke, jugwok kanisa man juponji;

Poi Mi Cik 17:6

Ku dhu jumulembe ario, kadi jumulembe adek, jubiketho ng’atu ma jubinego tho; jubiketho etho ngo ku dhu jamulembe acel.

Poi Mi Cik 19:15

Jamulembe acel kud ucung kum dhanu kum kier moko, kadi kum dubo moko, i dubo moko m’edubo: ku dhu jumulembe ario, kadi ku dhu jumulembe adek, lembe bicungo.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 11:6

Joni gi weg tego ma giciko ko polo, kara koth kud ucwi cil i ceng’ mi lembila migi: man gi weg tego wi pi ma giloko kogi ni rimo, ma gigoyo ko ng’om de ku masendi kubang’gi nzu, ku ba nindo ceke ma giyenyo.

Lembanyutha 12:6

Man dhakune ringo i yamba, ka ma kaka ma Mungu yiko ire ni i ie, kara jugwoke kuca ceng’ rubanga acel ku dak ario ku pier abusiel.

Lembanyutha 13:5

man jumio ire dhok ma yero gin ma dit ku lembacidi; jumio ng’ol de ire m’etim ko tic pare dwi pier ang’wen wi ario.

Lembanyutha 19:10

Man apodho piny the tiende nirwo ire. Man ewacu ira kumae, Kud itim kumeno: an a jatic wedu wakudi ku juwedu de ma gibedo ku lembatuca pa Yesu: rwo ni Mungu: kum lembatuca pa Yesu en e tipo mi lembila.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.