Lembanyutha 11:18 - The Holy Bible In Alur (Lur) Revised Orthography

¹⁸ Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 11:18 ပူးပေါင်းရင်းမြစ်များ

Zaburi 103:11

Kum calu polo bedo malu wi ng’om, E mer mi bero pare bedo dit kumeno wi ju m’ulwore.

Zaburi 110:5

Rwoth bigoyo ju m’ubimo i ceng’ mi kwinyo pare, Ku yo ku cingi ma yor acwic.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 2:5

Ebilund weco i bang’gi ku kwinyo pare, Man ebisendogi ku ng’ecwiny pare:

Zaburi 85:9

Andha both pare ni ceng’ni ju m’ulwore, Kara dwong’ ubed i ng’om mwa.

Eklizia 12:13

Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

Eklizia 8:12

Kadok jadubo dub lembe wang’ dak, man emed nindo pare, ento ang’eyo andha nia lembe bibedo ber ni ju ma lworo Mungu, ma lworo negogi i wang’e:

Daniel 11:44

Ento rwonglembe m’uai yo nyangu ku yor ariwa ma malu bing’abu cwinye; man ebiwok ku kwinyo ma dit kara enyoth man ekab dhanu dupa woko.

Daniel 7:26

Ento jubiketho pokolembe, man jubikabu bimobim pare woko, kara girwinye ginyothe cil i kajikne.

Daniel 8:25

Man ni kum lembapida pare ebiketho abombi bed miero i cinge; man ebiyungre gire i adundene, man ebinyotho dupa i bedo migi ma museme: man ebicungo bende kum jaditmawijo mi judongomawijo; ento ebitur ma ku cing’ ungo.

Matayo 5:12

Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.

Luka 1:50

Kisa pare de bedo ni dhanum’utuk ku dhanum’utuk Wi ju m’ulwore.

Juebrania 9:27

Man kum ekethre ni dhanu ya githo wang’ acel pii, man yo ng’ei maeni pokolembe;

Lembanyutha 10:7

ento i ceng’ mi dwand malaika mir abirone, kinde m’eyenyo ekudh agwara, e giramung’a pa Mungu lund uthum, calku lembanyong’a m’eyero ni jumiru pare ma jubila.

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 13:10

Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.

Lembanyutha 13:16

Man eketho ceke, ma thindho ku ma dongo, man julonyo ku jucan, man paker ku jumiru, ya juthei kiedo i cing’gi ma yor acwic, kadi i ternyimgi;

Lembanyutha 14:10

en bende ebimadhu kum pigulok mi kwinyo pa Mungu, m’ubedo ayika m’ajeba ngo i kikombe mi ng’ecwiny pare; man jubimie ndiba ma ku mac man muganga i wang’ malaika maleng’, man i wang’ Nyathi Rombo:

Lembanyutha 15:1

Man aneno giranyutha mange i polo, ma dit ku ma wang’u ijo, malaika abiro ma weg masendi abiro, m’udong’ cen, kum i igi kwinyo pa Mungu thum.

Lembanyutha 15:7

Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 18:6

Wumi ire cil calu emio, man wumi ire wang’ ario calku tic pare: i kikombe m’ejebo i ie, jeb ire wang’ ario.

Lembanyutha 19:15

Man palamularu ma bith uwok kud i dhoge, kara egoi kudo thek: man ebibimogi kud uluth mi nyunyu: man ebinyono pany mi lak kwinyo pa Mungu, ma Jategokpo.

Lembanyutha 19:18

kara wucam ring ju ma gin ubimo, man ring ju ma gi jego, man ring dhanu ma dongo, man ring riuni ku mi ju m’ubedo i wigi, ku ring dhanu ceke, paker ku jumiru bende, ju ma thindho ku ju ma dongo de.

Lembanyutha 19:5

Man dwal uai i komker, uwacu kumae, Wupak Mungu mwa, wu jumiru pare ceke, wu ju m’ulwore, ma thindho ku ma dongo.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 22:12

Nen, abino pio; man sukulia para ni i bang’a, m’amio ni dhanu ceke kubang’gi nzu ng’atuman calku tic pare.