Lembanyutha 11:11 - The Holy Bible In Alur (Lur) Revised Orthography

¹¹ Man yo ng’ei ceng’ adek ku ng’ete e lietho mi kwo m’uai ba Mungu mondo i igi, man gicungo wi tiendgi; e lworo ma dit upodho wi ju m’unenogi.

Lembanyutha 11:11 ပူးပေါင်းရင်းမြစ်များ

Thangambere 2:7

Man Yehova Mungu cwio ng’atu ma nico kud utur m’i ng’om, man eyuyo lietho mi kwo i ume; e ng’atu ma nicone doko ni ng’eyong’ec ma kwo.

Yeremia 33:9

E adhura maeni bibedo ira ni nying’ mi mutoro, ni pak man ni dwong’, i wang’ thek ceke m’i ng’om, ma biwinjo bero ceke m’atimo igi, man ma lworo binegogi, kumgi de bimiel kum bero ceke man kum kwiocwiny ceke m’aketho uwok ire.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Tic Mi Jukwenda 5:11

E lworo ma dit upodho wi kanisa ceke, ku wi dhanu ceke de ma giwinjo gin maeni.

Tic Mi Jukwenda 5:5

E ka Anania winjo lembe nini epodho bir e cwinye kadhu ndhu; man lworo ma dit apila podho wi dhanu ceke ma giwinjo maeni.

Jurumi 8:11

Ento tek Tipo pa ng’atu m’uting’o Yesu ku kind ju m’utho bedo i iwu, ng’atu m’uting’o Kristu Yesu ku kind ju m’utho ebimio kwo bende ni kumwu ma tho ni kum Tipo pare m’ubedo i iwu.

Jurumi 8:2

Kum cik mi Tipo mi kwo i Kristu Yesu ugonya kud i cik mi dubo man mi tho.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:9

Man dhanu m’uai i kind kodhidhanu kud i suru ku dhok man thek gineno avujgi ceng’ adek ku ng’ete, man giyio ngo nia juyik avujgi i o dliel.