Lembanyutha 10:5 - The Holy Bible In Alur (Lur) Revised Orthography

⁵ Man malaika m’aneno cungo wi nam ku wi ng’om de ting’o cinge ma yor acwic malu yor i polo,

Lembanyutha 10:5 ပူးပေါင်းရင်းမြစ်များ

Thangambere 14:22

E Abram uwacu ni ubimo mi Sodom kumae, Ating’o cinga malu ni Yehova, Mungu ma Malu Ngbir, ma jacwi polo ku ng’om,

Nehemia 9:6

In i Yehova, in i kendi; itimo polo, polo m’i polo, kud udul migi ceke, ng’om de ku gin ceke ma ni i wie, ku nam man gin ceke ma ni i igi, e igwokogi ceke; man udul m’i polo berwo iri.

Zaburi 146:5

Ng’atu m’ubedo ku Mungu pa Yakobo ni kony pare en e jamutoro, Ma genogen pare ni i Yehova Mungu pare:

Ai 20:11

kum Yehova timo polo ku ng’om i ceng’ abusiel, ku nam, ku giki ceke ma ni i ie, man eyom i ceng’ mir abirone: kum kumeno Yehova mio mugisa kum ceng’ sabatu, man edwoke leng’.

Ai 6:8

Man abikelowu i ng’om m’ating’o cinga pire ya amie ni Ibrahim, ni Isak, man ni Yakobo; man abimie iwu ni aba: an a Yehova.

Ezekiel 20:15

Mange ke akwong’o igi i langa bende, nia abikelogi i ng’om m’amio igi ngo, ma molo cak ku kic, ma en e dwong’ mi ng’om ceke;

Ezekiel 20:23

Mange ke akwong’o igi i langa, nia abilalugi i kind thek, man abikethogi i kind ng’om;

Ezekiel 20:28

Kum kinde m’akelogi i ng’om, m’akwong’o Ya ami igi, gilund gineno ungulu gudi ma wiu kubang’e kubang’e, man yen m’udinyo kubang’e kubang’e, e githiero lam migi keca, man githiero nyayung’ecwiny mi lam migi keca; e gitimo ng’wic piny migi ma ng’ar bende keca, man gikonjo lam m’amadha migi bende keca.

Ezekiel 20:42

E wubing’eyo nia an a Yehova, kinde m’akelowu i ng’om mir Israel, i ng’om m’akwong’o ya ami ni kwaruwu.

Ezekiel 20:5

man iwac igi kumae, Rwoth Yehova wacu kumae: I nindo m’agoyo ie wi Israel, man akwong’o ni kodhi mi ot pa Yakobo, man ang’eira igi i ng’om Misiri, kinde m’akwong’o igi, m’awacu kumae, An a Yehova Mungu mu;

Ezekiel 36:7

ka ku meno Rwoth Yehova wacu kumae: Akwong’o kwong’, m’awacu kumae, Andha thek ma ni ng’etwu gbur, gibiyeyo lewic migi.

Ezekiel 47:14

Man wubigamu ni aba, ng’atuman ku wadi; kum akwong’o ya abimie ni kwaruwu: man ng’om maeni bipodho iwu ni aba.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Tic Mi Jukwenda 14:15

giwacu kumae, Paco, wutimo gin maeni nedi? Wan wa dhanu ma ku kum calu wun, man wakelo iwu lembe ma ber, kara wulokra ku kum gin maeni ma kite mbe ni Mungu ma kwo m’ucwio polo ku ng’om ku nam de, ku gin ceke ma ni i igi de:

Tic Mi Jukwenda 17:23

Kum kan abekadhu, man aneno gin mi rwo mu, anwang’u pemblam de ma karamblembe ni i kume kumae, NI MUNGU MA JUKUNG’EYO NGO. Nie gin ma wurwo i bang’e ma wubedo cobo pire nini, e ma ayero iwu pire.

Jurumi 1:20

Kum gin pare ma nen ungo ugambre i kacwic mi ng’om dong’ nen terere, m’eng’eire ni kum gin m’ucwire, cil tego pare mi nja man rucwic; kara kalokolembe m’i wigi bed umbe igi:

Poi Mi Cik 32:40

Kum ating’o cinga yor i polo, Man awacu kumae, Calu abedo kwo mi nja,

Juebrania 6:13

Kum kinde ma Mungu mio lembang’ola ni Ibrahim, kum ng’atu moko mbe m’usage m’ekwong’ i kume, edong’ ekwongre i kume gire,

Lembanyutha 1:18

man ng’atu ma Kwo; an ma nwang’u atho, man nen, abedo kwo mi rondo ku rondo, man abedo ku kifungula mi tho man mi Hadeya.

Lembanyutha 10:2

man emaku nyathi kitabu m’ubedo ayaba i cinge: man eketho tiende ma yor acwic wi nam, ma yor acam ke wi ng’om;

Lembanyutha 14:7

man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 16:17

Man mir abirone konjo tabu pare i lietho; e dwal ma dit uai i hekalu, kud i komker, uwacu kumae, Etimbre:

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,