Lembanyutha 10:4 - The Holy Bible In Alur (Lur) Revised Orthography

⁴ Man ka morpolo abiro weco ku dwandgi, ayenyo nik agor: man awinjo dwal uai i polo wacu kumae, Mwon ayi kum lembe ma morpolo abiro wacu, kud igorgi agora.

Lembanyutha 10:4 ပူးပေါင်းရင်းမြစ်များ

Isaya 29:11

Man ginmawokiwang’ ceke doko iwu calu kitabu ma jumwono kud ayi, ma dhanu mio ni ng’atu m’ung’eyo lembagora, giwacu kumae, Akwei, som maeni; man ewacu kumae, Acopo ngo, kum jumwono ayi i kume:

Isaya 8:1

Man Yehova wacu ira kumae, Gam iri ban ma dit, man ikieu i wie ku! kalamu mi pi mi dhanu kumae, Ni Maher-calal-hac-baz;

Isaya 8:16

Twi lembatuca, mwon ayi kum cik kind julubna.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 12:9

Man ewacu kumae, Cidh i yo peri, Daniel; kum lembene juciko dhoge man jumwono ayi i kume cil i nindo mi kajikne.

Daniel 8:26

Man ginmawokiwang’ mir uthieno ku kugweno ma juyero en e andha: ento cik ginmawokiwang’; kum en e mi ceng’ dupa ma bibino.

Poi Mi Cik 29:29

E gin m’amung’a en e pa Yehova Mungu mwa; ento gin ma junyutho en e mwa man ni nyithindho mwa mi nja, kara watim lembe ceke mi cik maeni.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 1:19

Ka kumeno kieu gin m’ineno man gin ma tic, ku gin ma bitimbre macen;

Lembanyutha 10:8

Man dwal m’awinjo ai i polo, awinje kendo m’ebeweco kuda, man ewacu kumae, Cidhi, ting’ kitabu m’ubedo ayaba i cing’ malaika m’ucungo wi nam ku wi ng’om de.

Lembanyutha 22:10

Man ewacu ira kumae, Kud imwon ayi kum lembe mi lembila mi kitabu maeni; kum nindo dhingo.