Lembanyutha 10:1 - The Holy Bible In Alur (Lur) Revised Orthography

¹ Man aneno malaika mange ma tek uloro kud i polo, m’eronjre kud afuru; man dhanyu ni i wie, wang’e de calu ceng’, man tiende va mbegi mi mac;

Lembanyutha 10:1 ပူးပေါင်းရင်းမြစ်များ

Zaburi 104:3

M’iketho riu mi ot pare i pi; M’eketho afuru ni magali pare; M’ewotho wi bomb yamu;

Zaburi 97:2

Afuru ku mudho tieke gbur: Bedopwe ku pokolembe gi thepiny mi komker pare.

Ai 16:10

Man etimbre, kinde ma Harun uyero ni udul nyithindho mir Israel nia gineno yor i langa, man, nen, dwong’ pa Yehova nyuthre i afuru.

Wer Pa Suleman 5:15

Tiende calu mbegi mi kidi ma tar ma juketho wi wer mi mola ma kwar ma leng’: Nen pare calu Lebanon, ma ber hai calu musonge.

Isaya 19:1

Ewolembe ma pi Misiri. Nen, Yehova wotho ku wi afuru ma wil wil, man ebino ba Misiri: e kum mungu m’araga mi Misiri bimiel i vute; man cwiny Misiri bing’oi i diere.

Isaya 54:9

Kum maeni en e calu pi pa Noa ira; kum calu akwong’o nia pi pa Noa biumo ng’om kendo ngo, e akwong’o nia kwinyo binega kendo ngo i kumi kumeca, kadi ajuka de abijuki ngo.

Ywak 3:44

Iumbri kud afuru, kara rwo kud ukadhi.

Ezekiel 1:28

Calu nen mi danyu ma ni i afuru i ceng’ mi koth, e nen mi rieny ma gbur ubedo kumeca. Maeni en e nen mir ayi mi dwong’ pa Yehova. Man kinde m’aneno maeni, apodho arieba wang’a, man awinjo dwand ng’atu m’uyero.

Daniel 10:6

kume bende e calu kidi ma mar mar, man wang’e calu lukoth, man tong’ wang’e calu thala m’uliel, bote ku tiende ke calu mola m’urieny, man dwand lembe pare calu dwand udul dhanu.

Daniel 7:13

Aneno i ginmawokiwang’ mi diewor, man, nen, ng’atu acel ubino kind afuru m’i polo calu wod dhanu, man ebino cil ba ng’atu m’uti mi ceng’, man gikele ceng’ni i wang’e.

Lembe Mi Julawi 16:2

e Yehova wacu ni Musa kumae, Yer ni Harun m’umeru, kara kud emond i nindo ceke i kamaleng’ yo i kusikabongu, i wang’ kabedomikisa ma ni wi sanduk; kara kud etho: kum abiwok i afuru wi kabedomikisane.

Matayo 17:2

e kite lokre i wang’gi; wang’e de rieny pami ceng’, kendi pare de doko tar calu der.

Luka 21:27

E gibilund neno Wod dhanu bebino i afuru ku tego man dwong’ ma dit.

Tic Mi Jukwenda 26:13

dieceng’ ma ling’, E ubimo, aneno i yo der m’uai i polo, ma sagu rieny mi ceng’, m’erieny i kuma i kum ju ma wawotho wakugi de.

Lembanyutha 1:7

Nen, ebino kud afuru; man ku ba wang’ ceke binene, ku ju m’ucobe de; man thek ceke m’i ng’om biywak ire. Cil kumeno. Amen.

Lembanyutha 18:1

Yo ng’ei gin maeni malaika mange ai i polo loro piny, m’e won ng’ol ma dit; man ng’om ucare ku der mi dwong’ pare.

Lembanyutha 18:21

Man malaika ma tek uting’o kidi calu en e pom ma dit man ebole i nam, ewacu kumae, Babeli, adhura ma dit bipodho ku podho ma mbwom kumeni, jubiredhe piny, man ebinwangre kendo ki ngo.

Lembanyutha 20:1

Man aneno malaika ai i polo loro piny, m’ebedo ku kifungula mi longro ma there mbe ku nyoro ma dit de i cinge.

Lembanyutha 4:3

man ng’atu m’ujany enen va kidi ma tar m’urieny ku kidi ma kwar ngbo, danyu de nuti m’udhoko komker gbur, enen va kidi ma kite va lum.

Lembanyutha 5:2

Man aneno malaika ma tek m’ubeyero ku dwal ma dit kumae, Ng’a m’uromo m’eyabu ko kitabu, m’ealu ko ayine de?

Lembanyutha 8:13

E aneno, man awinjo acur acel, m’eberingo i kor polo, m’ebewacu ku dwal ma dit kumae, Can, can, can, ni ju m’ubedo wi ng’om, kum dwal mange mir agwara mi malaika adek, ma gibikudho agwara macen.