Lembanyutha 1:8 - The Holy Bible In Alur (Lur) Revised Orthography

⁸ An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 1:8 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Thangambere 28:3

E Mungu ma Jategokpo mi mugisa iri, man eketh inyai, emedi de, kara idok ni udul kodhidhanu;

Thangambere 35:11

E Mungu wacu ire kumae, An a Mungu ma Jategokpo: nyai man imedri; thek man udul thek biai i beng’i, man ju m’ubimo biai kud i kumi;

Thangambere 43:14

man Mungu ma Jategokpo emi kisa iwu i wang’ ng’atuca, kara egony iwu umegwu mucelo man Benyamin. Man tek jukabu nyithindho para kud i bang’a, nwang’u junega.

Thangambere 48:3

Man Yakobo wacu ni Yusuf kumae, Mungu ma Jategokpo nyuthre ira i Luz i ng’om Kanan, man emio mugisa ira,

Thangambere 49:25

Cil ni kum Mungu pa wuru, ma bikonyi, Man ni kum Ng’atu ma Jategokpo, ma bimio mugisa iri, Ku mugisa m’i polo ma malu, Mugisa mi nam m’uriebre piny, Mugisa mi thuno, man mi ic.

Ai 3:14

E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu.

Ai 6:3

man anyuthra ni Ibrahim, ni Isak, man ni Yakobo, calu Mungu ma Jategokpo; ento ang’eira igi ngo ku nyinga ma Yehova.

Isaya 41:4

Ng’a m’uporo man m’utimo maeni, m’ulwong’o dhanum’utuk ugambre i thekri? An a Yehova, ma kwong’a, man ma cen, an a en.

Isaya 43:10

Wun wu jumulembe para, Yehova wacu, man jatic para m’agoyo wie; kara wung’ei man wuyia, man wung’ei nia an a en: Mungu moko mbe ma jular jucwio ira, kadi ma bibedo nuti yo ng’eya.

Isaya 44:6

Yehova, m’Ubimo mir Israel, man Jawar pare, Yehova mir udul, uwacu kumae: An a ma kwong’a, man kajik; man Mungu moko mbe m’umeda.

Isaya 48:12

Wuwinja, E Yakobo, man Israel para ma julwong’o: an a en; an a ma kwong’a, an a ma cen bende.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Kitabu Mir Ang’wende Pa Musa Wel 24:4

Ewacu, ng’atu m’uwinjo lembe pa Mungu, M’uneno ginm’uwokiwang’ pa Jategokpo, M’upodho piny, ma wang’e de bedo ayaba:

2 Jukorinto 6:18

Man abibedo iwu ni Wego, Man wubibedo ira ni wota ku nyiga, Rwoth ma Jategokpo wacu.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;

Lembanyutha 11:17

giwacu kumae, Wafoi, E Rwoth Mungu, ma Jategokpo, m’inuti man yang’ inuti; kum igamu tego peri ma dit, man ibimo bim.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 16:14

kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 16:7

Man awinjo pemblam uwacu kumae, Eyo, E Rwoth Mungu, ma Jategokpo, lembapoka peri en e andha pwe de.

Lembanyutha 19:15

Man palamularu ma bith uwok kud i dhoge, kara egoi kudo thek: man ebibimogi kud uluth mi nyunyu: man ebinyono pany mi lak kwinyo pa Mungu, ma Jategokpo.

Lembanyutha 19:6

Man awinjo calu en e dwal mir udul dhanu ma dit, man calu dwand pi dupa, man calu dwand morpolo ma tek m’uwacu kumae, Haleluya: kum Rwoth Mungu mwa, ma Jategokpo ubimo bim.

Lembanyutha 2:8

Man ni malaika mi kanisa ma ni i Smurna kieu kumae: Ng’atu ma en e ma kwong’a ku ma cen de, m’etho, man ebedo kwo kendo ewacu gin maeni kumae:

Lembanyutha 21:22

Man aneno hekalu i ie ngo: kum Rwoth Mungu ma Jategokpo, ku Nyathi Rombo de, gi hekalune.

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 22:13

An a Alfa kud Omega, ma kwong’a man ma cen, thangambere man kajik.

Lembanyutha 4:8

E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.