Lembanyutha 1:5 - The Holy Bible In Alur (Lur) Revised Orthography

⁵ m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 1:5 ပူးပေါင်းရင်းမြစ်များ

Zaburi 51:2

Lwoka ndhu ma njwa ni kier para, Man dwoka leng’ ni dubo para.

Zaburi 72:11

Eyo, ju m’ubimo ceke bipodho piny i wang’e; Thek ceke bitimo ire.

Zaburi 89:27

Abikethe ni kayu para bende, Malu ma sagu ju m’ubimo mi ng’om.

Lembrieko 14:5

Jamulembe mi bedo mandha bicwayu ndra ngo; Ento jamulembe mi ndra weco ndra.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Daniel 2:2

E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Lembe Mi Julawi 13:58

Man kendi, kadok gin m’arudha, kadi gin m’akieda kadi gin moko mi lau, m’ibilwoko, tek rembe ai i kumgi, ilund ilwoke mir arionde, e ebibedo leng’.

Zekaria 13:1

I ceng’ maeca kulo m’udhenyni biyabre ni ot pa Daudi man ni ju m’ubedo i Yerusalem, pi dubo man pi cilo.

Matayo 20:28

cil calu Wod dhanu bino ya jutim ire ngo, ento kara etim, emi kwo pare de ni gony mi dhanu dupa.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 13:1

Nwang’u kan agba mi kadhukuwijo fokutundo ngo, Yesu m’ung’eyo nia saa pare tundo m’ebiai ko i ng’ombuni ecidho ba Wego, m’edaru maru pare ma dhe ma gini i ng’om, emarugi cil i kajikne.

Yohana 13:34

Amio iwu cik ma nyen, ya wumeru; cil calu amaruwu, nia wun bende wumeru.

Yohana 15:9

Cil calu Wego mara, e an bende amaruwu: wubed i mema.

Yohana 18:37

Pilato lund uwacu ire kumae, Kara in i ubimo? Yesu loko lembe kumae, Iyero dhe nia an a ubimo. Junyola pi maeni, man abino i ng’om de pi maeni, kara anyuth pi lemandha. Ku ba dhanu ceke ma mi lemandha winjo dwanda.

Yohana 3:11

Andhandha, awacu iri kumae, Wayero pi gin ma wang’eyo, man wanyutho pi gin ma waneno; wun re wujolo lembanyutha mwa ngo.

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Yohana 3:32

Gin maeni m’eneno m’ewinjo de, mi maeno enyutho; ng’atu moko mbe de ma jolo lembanyutha pare.

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

Tic Mi Jukwenda 26:23

nia Kristu bikosendre be, nia ebilar nyutho der ku cer ma kind ju m’utho ni dhanu ku Thekdhanumange.

Jurumi 3:25

ma Mungu ketho ebed ni lam, ni kum yioyic, i rimo pare, kara enyuth bedopwe pare kum wekodubo m’ular utimbre, i twiocwiny pa Mungu;

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

1 Jukorinto 6:11

Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa.

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

Juefeso 2:4

ento Mungu, m’usagre ku kisa, ni kum mer pare ma dit m’emaru kowa,

Juefeso 5:2

man wuwoth i mer, cil calu Kristu bende maruwa, man emire gire piwa, ni giramia ku lam de ni Mungu ni ng’wic gin ma ng’wi ng’ar.

Poi Mi Cik 18:2

E gibibedo kud aba ngo karacelo ku uturneggi: Yehova en e aba migi, calu eyero igi.

Poi Mi Cik 23:5

Ento Yehova Mungu peri yio ngo ewinj Balam; ento Yehova Mungu peri loko lam ni mugisa iri, kum Yehova Mungu peri meri.

Poi Mi Cik 7:8

ento kum Yehova maruwu, man kum eyenyo etim kwong’ m’ekwong’o ni kwaruwu, Yehova wodhowu woko ku cing’ ma tek, man ewaruwu kud i ot mi ng’eca, kud i cing’ Farao m’ubimo mi Misiri.

Jukolosai 1:18

Man en e wie mi kum, ma en e kanisa: ma en e thangambere, en e kayu mi cer ma kud i kind ju m’utho; kara ebed jawipiro i gin ceke.

1 Timoteo 6:13

Ang’olo lembe maeni iri i wang’ Mungu, m’umio kwo ni gin ceke, man i wang’ Kristu Yesu, m’unyutho lembatuca pare ma ber i wang’ Pontio Pilato;

1 Timoteo 6:15

m’ebinyutho i rundi pare gire, ng’atu ma Acwic ma Jamugisa e kende, Ubimo ma wi ju m’ubimo bim, Rwoth mi rwodhi; kende

Juebrania 10:29

e iwu wacu ya masendi ma jubing’olo ya urom ng’atu m’unyono Wod Mungu the tiende, m’ekwanu rimb lembariba m’edoko kudo leng’ de ni gin ma leng’ ungo, m’ecayu Tipo mi bero bende, bisagu dit ungo?

Juebrania 9:14

e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo?

1 Petro 1:19

ento ku rimo ma pire tek, calu pa nyathi rombo ma mulima kadi poyo de mbe i kume, en e rimb Kristu:

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.

1 Yohana 4:10

I maeni mer ungo, nia wamaru Mungu, ento nia emaruwa, eoro wode de bed ni lam mi dubo mwa.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 19:11

Man aneno polo yabre; man nen, riuni ma tar, ku ng’atu m’ubedo i wie ma julwong’e Mandha man Andha; man i bedopwe epoko lembe man etimo lwiny.

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.

Lembanyutha 3:14

Man ni malaika mi kanisa m’i Laodikia kieu kumae: Ng’atu ma Amen, m’e jamulembe mandha ma andha de, m’e thangambere mi giracwia pa Mungu, ewacu gin maeni:

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.