Jupoklembe 9:54 - The Holy Bible In Alur (Lur) Revised Orthography

⁵⁴ Elund elwong’o jalawobi ma jayei jamtho pare pio, man ewacu ire kumae, Wodh palamularu peri, man inega, kara dhanu kud uwac pira kumae, Dhaku nege. Man jalawobi pare dhuye plu, e etho.

Jupoklembe 9:54 ပူးပေါင်းရင်းမြစ်များ

2 Samwil 1:10

Kum kumeno acungo i ng’ete, man anege, kum ang’eyo andha nia ecopo bedo kwo ngo yo ng’ei podho m’epodho man ating’o jamkermiwic ma ni i wie, ku gwang’ ma ni i bote, man akelogi keni ba rwoth para.

2 Samwil 1:7

Man kan eneno ng’eye, enena, man elwong’a. E aloko lembe kumae, Anuti.

2 Samwil 1:9

Man ewacu ira kumae, Akwei, Cung i ng’eta, man inega; kum atem umaka; kum fodi kwo para ni bo i ia.

2 Samwil 23:37

man Zelek ma Jaamoni, man Naharai ma Jaberothi, gi juyei jamtho pa Yoab ma wod Zeruia,

I Lemkei 10:4

E Saul ulund uwacu ni jang’abban pare kumae, Wodh palamularu peri, man idhuya ko, kara ju maeni ma jukutimo yaa i kumgi ngo ku gibin gisenda. Ento jang’abban pare kwero; kum lworo nege dit. Ka klumeno Saul umaku palamularu pare, man epodho i wie.

I Lemkei 10:5

Ka jang’abban pare neno nia Saul utho, epodho wi palamularu pare kumeca, e etho.

I Lemkei 11:39

man Zelek ma Jaamoni, man Naharai ma Jaberothi, ma en e jang’abban pa Yoab ma wod Zeruia,

Jupoklembe 4:9

Man ewacu kumae, Wabicidho wakudi andha: ere woth m’iwotho bibedo ni yung iri ngo; kum Yehova bing’iewo Sisera i cing’ dhaku. Man Debora ai malu, man ecidho karacelo giku Barak i Kedec.

Jupoklembe 9:55

E ka dhanu mir Israel gineno nia Abimelek utho, giai kubang’gi kubang’gi ng’atuman ucidho i kakare man i kakare.

1 Samwil 14:12

Man dhanu m’i ot ma tek giloko lembe ni Yonathan ku jayei jambali pare, man giwacu kumae, Wuidh malu i bang’wa, man wabinyutho iwu lembe moko. Man Yonathan uwacu ni jayei jambali pare, Idh malu i toka; kum Yehova miogi i cing’ Israel.

1 Samwil 14:13

Man Yonathan umulo amula ku cinge ku tiende de, man jayei jamb ali pare yor i ng’eye: e gipodho i wang’ Yonathan; man jayei jambali pare negogi yor i ng’eye.

1 Samwil 14:14

Man nek maeno ma kwong’a, ma Yonathan ku jayei jambali pare gitimo, yenyo romo dhanu pier ario, i ng’et lela ma romo ruvangu dak abic.

1 Samwil 14:17

Saul ulund uwacu ni dhanu ma gini karacelo kude kumae, Kawono wukwan, man wunen ng’a m’uai i bang’wa. Man ka gikwanu, Nen, Yonathan ku jayei jambali pare gimbe keca.

1 Samwil 14:7

Man jayei jambali pare wacu ire kumae, Tim gin ceke ma ni i adundeni: lokri, nen, wanuti wakudi calkud adundeni.

1 Samwil 16:21

Man Daudi bino ba Saul, e ecungo i wang’e: man emare dit; man edoko jayei jambali pare.

1 Samwil 31:6

Kum kumeno Saul utho, ku wote adek, ku jayei jambali pare, man dhanu pare ceke, ceng’ nica karacelo.