Jupoklembe 8:34 - The Holy Bible In Alur (Lur) Revised Orthography

³⁴ Man nyithindho mir Israel gipoi kum Yehova Mungu migi ngo, m’ubodhogi kud i cing’ judegi migi ceke i ng’etgi kun ku kun;

Jupoklembe 8:34 ပူးပေါင်းရင်းမြစ်များ

Zaburi 106:18

Man jucwinyo mac i kind udulgi; Lebmac uwang’u dhanu ma judubo;

Zaburi 106:21

Wigi wil kum Mungu ma Jalar migi, M’utimo gin ma dwong’ i Misiri,

Zaburi 78:11

Man wigi wil kum tic pare, Ku tic pare ma wang’u ijo m’enyutho igi.

Zaburi 78:42

Gipoi kum cinge ngo, Kadi ceng’ m’ewarugi i ie ku ba jasend;

Eklizia 12:1

Poi bende kum Jacwic peri i nindo mir aradu peri, ma fodi nindo ma rac kuwok ungo, man rundi dhingo ngo, kinde m’ibiwacu ie kumae, Anyong’a nega ngo kudo;

Yeremia 2:32

Nyaku ma sumba wie copo wil kum jambruko pare, kadi mugole de kum kendi pare? ento dhanu para wigi wil pira ma wel nindone mbe.

Yeremia 23:27

ma giparu ya giketh widhanu para wil kum nyinga ni kum lek migi ma giyero ku ba dhanu ku ba dhanu ng’atuman ni wadi, calu wi weggi wil kum nyinga pi Bal.

Hoseya 2:15

E abimio ire podho mir ulok pare ku kuca, man poga mir Akor ni dhugola mi genogen; man ebidwoko lembe ku kuca, calu i nindo mir aradu pare, man calu i nindo m’eidho ie kud i ng’om Misiri.

Poi Mi Cik 4:9

Ndhu ibed ku weng’i i kumi giri, man igwok ng’eyong’ec peri cu, kara wii kud uwil kum gin ma weng’i neno, man kara ku giai kud i adundeni i nindo mi kwo peri ceke; ento keth ging’eiri ni nyithindhoperi man ni nyithindho mi nyithindho peri;

Jupoklembe 3:7

Man nyithindho mir Israel gitimo gin ma rac i wang’ Yehova, man wigi wil kum Yehova Mungu migi, man gitimo ni Balim ku mungu m’araga.