Jupoklembe 7:4 - The Holy Bible In Alur (Lur) Revised Orthography

⁴ Man Yehova wacu ni Gideon kumae, Fodi dhanu gi dit m’usagu; kelgi piny ba pi, man abimulo igi piri kuca: man ebitimbre, nia ng’atu m’abiwacu pire iri kumae, Maeni bicidho kudi, e ng’atuno bicidho karacelo kudi; man tek ng’atu ma tek abiyero iri pire kumae, Maeni bicidho kudi ngo, e ng’atuno bicidho ngo.

Jupoklembe 7:4 ပူးပေါင်းရင်းမြစ်များ

Thangambere 22:1

Man etimbre yo ng’ei gin maeni, nia Mungu mulo i Ibrahim, man ewacu ire kumae, Ibrahim; man ewacu kumae, Anuti.

Kitabu Pa Yob 23:10

Ento eng’eyo yo m’akwanyu; Kinde m’emulo ia, abiwok woko calu mola ma kw’ar.

Zaburi 33:16

Ubimo moko mbe ma both ni kum udul ma dit: Ng’atu ma tek both ungo ni kum tego ma dit.

Zaburi 66:10

Kum in, E Mungu, imulo iwa: Iponjowa, calu juponjo mola ma tar.

Zaburi 7:9

A wek dubo mi judubo thum, ento keth ju ma pwe cungi: Kum Mungu ma pwe mulo pidoic kud adunde.

Jupoklembe 7:5

Kum kumeno ekelo dhanu piny ba pi: man Yehova wacu ni Gideon kumae, Ku ba dhanu ceke ma ginang’u pi ku lebgi, calu gwok nang’u, ng’atuno ibikethe gire kende; e kumeno ku ba dhanu ceke m’urum wi cong’gi nimadhu de.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.

1 Samwil 16:7

Ento Yehova wacu ni Samwil kumae, Kud inen wang’e, kadi kadongone; kum akwere: kum Yehova neno calu dhanu neno ngo; kum dhanu neno ayi ma yo woko, ento Yehova neno yo i adunde.