Jupoklembe 7:20 - The Holy Bible In Alur (Lur) Revised Orthography

²⁰ Man ungu dhanu adek gikudho agwara, man ginego cupa, man giting’o udok sengi i cing’gi ma yor acam, man agwara i cing’gi ma yor acwic ma gikudho kudo; man gikok kumae, Palamularu pa Yehova man pa Gideon.

Jupoklembe 7:20 ပူးပေါင်းရင်းမြစ်များ

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Yeremia 47:6

E in i palamularu pa Yehova, ebibedo rokani ma fok’ibedo ling’ ungo? roiri giri i ukoroni; yom, man ibed ling’.

1 Jukorinto 15:52

nyapil calu goyo wang’, kinde ma agwara ywak macen: kum agwara biywak, man ju m’utho bicer m’umbe nyothri, e wan de jubilokowa.

2 Jukorinto 4:7

Ento wabedo ku piny m’akana maeni i agulu mir ulobo, kara dwong’ m’apila mi tego maeni ubed pa Mungu, man m’uai i bang’wa giwa re ngo;

1 Jutesaloniki 4:16

Kum Rwoth ku kite biai i polo biloro piny, ku kok ma dit, ku dwand malaika ma dit de, man kud agwara pa Mungu bende: e ju m’utho i Kristu gibilar cer;

Juebrania 11:4

Ni kum yioyic Habil u wodho lam ma ber hai ni Mungu m’usagu pa Kain, man ni kum maeno junyutho pire nia en e ng’atu ma bedo pare cungo pwe, Mungu nyutho nyuth pi giramia pare man ni kum maeno kadok etho fodi ebeyero.

Yocuwa 6:16

Man etimbre i wang’ mir abirone, ka julam gikudho agwara, Yocuwa wacu ni dhanu kumae, Wuwoi; kum Yehova mio adhurane iwu.

Yocuwa 6:20

Kum kumeno dhanu giwoi, man julam gikudho agwara: e etimbre, ka dhanu giwinjo bang’ agwara, nia dhanu giwoi ku dwal ma dit, e gang’kidi podho kpe i ng’om, ketho nia dhanu giidho malu i adhura, ku ba dhanu ku ba dhanu ng’atuman atira i wang’e, e gimaku adhurane.

Yocuwa 6:4

Man julam abiro biting’o agwara abiro mi tung rombe i wang’ sanduk: e i ceng’ mir abirone wubitieko adhurane wang’ abiro, e julam gibikudho agwara.

2 Petro 1:15

Eyo, abitimo kud amora kara ku ba nindo ceke wucopo poi kum gin maeni yo ng’ei tho para.

Jupoklembe 7:19

Kum kumeno Gideon, ku dhanu dak acel ma ni karacelo kude, giwok i kajik mi kagonjo i thekri mi dier kur, ka gidaru wilo jukur: e gikudho agwara, man ginego cupa ma ni i cing’gi.

Jupoklembe 7:21

E gicungo ku ba dhanu ng’atuman i kakare gitieko ko kagonjo gbur; man udul ceke ringo; gikok de, giriemo kogi.

1 Samwil 11:11

Man etimbre urwone nia Saul uketho dhanu ni ungu adek; man gibino i kind gonjo i kur mi kugweno, man gigoyo Juamoni cil ma ceng’ udoko ko lieth: man etimbre, nia ju m’udong’ julalugi, ketho nia kindgi moko mbe m’ubedo ario karacelo.