Jupoklembe 7:2 - The Holy Bible In Alur (Lur) Revised Orthography

² Man Yehova wacu ni Gideon kumae, Dhanu ma gini karacelo kudi gi dit m’usagu ira ma nia ami ko Jumidiani i cing’gi, Israel umaru yungre gire i kuma, gimaru wacu kumae, Cinga gira bodha.

Jupoklembe 7:2 ပူးပေါင်းရင်းမြစ်များ

Thangambere 46:2

Man Mungu yero ni Israel ku ginmawokiwang’ mi diewor, man ewacu kumae, Yakobo, Yakobo. Man ewacu kumae, Anuti.

2 Lemkei 14:11

E Asa lwong’o Yehova, Mungu pare, man ewacu kumae, Yehova, ng’atu moko mbe ma konyo calu in, i kind ng’atu ma tek ku ng’atu ma tego mbe kude: konywa, E Yehova Mungu mwa; kum wageno in, man wabino kum udul maeni i nyingi. E Yehova, in i Mungu mwa; kud iyi dhanu segi.

Isaya 10:13

Kum ewacu kumae, Ku tego m’i cinga atimo maeni, man ku rieko para; kum abedo ku ng’eyong’ec: man akabu kieu mi kodhidhanu, man ayaku piny m’akana migi, man calu jarukara ajwigo ju m’ujany wi komker piny:

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 2:17

Man jubijwigo tingri mi dhanu piny, man jubijwigo kuhaya mi dhanu; e jubidodo Yehova kende i ceng’ maeca.

Yeremia 9:23

Yehova wacu kumae, Jarieko kud ulule kum rieko pare, kadok ng’atu ma jarukara de kud ulule kum tego pare, jalonyo de kud ulule kum lonyo pare;

Ezekiel 28:17

Adundeni tingre kum leng’kumi; inyotho rieko peri kum rieny peri: abei i ng’om; akethi i wang’ ju m’ubimo, kara gineni.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Daniel 4:30

Ubimo yero man ewacu kumae, Maeni Babeli ma dit ungo, m’agomo pi kabedo mi ker, ku tego mi tek para man ni yung mi dwong’ para?

Habakuk 1:16

Ka kumeno elamu lam ni voi pare, man ewang’u udok ma ng’wice ng’ar ni voi pare; kum ni kumgi makapiny pare cwe, cemo pare de dupa.

Zekaria 12:7

Yehova bende bilar bodho hema mi Yuda, kara dwong’ mi ot pa Daudi man dwong’ mi dhanu m’ubedo i Yerusalem kud uyungre m’usagu Yuda.

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

Kitabu Mir Ang’wende Pa Musa Wel 31:4

Ku ba suru ceke wuwodh rubanga acel, i kind suru ceke mir Israel, wuorgi ba lwiny.

Jurumi 11:18

kud iluli kum jange: ento tek iluli, en e in ungo m’uyeyo ulage ento ulage re m’uyeyo in.

Jurumi 3:27

Ka kumeno luli nikani? Bang’e cikre woko. Ku cik manedi? mi tici? Ungo: ento ku cik mi yioyic.

2 Jukorinto 4:7

Ento wabedo ku piny m’akana maeni i agulu mir ulobo, kara dwong’ m’apila mi tego maeni ubed pa Mungu, man m’uai i bang’wa giwa re ngo;

Juefeso 2:9

en e mi tic ungo, kara ng’atu moko kud ulule.

Poi Mi Cik 32:27

Tek en e nia alworo kwinyo pa jadegi ngo, Jusend migi maru kier ku pokolembe, Gimaru wacu kumae, Cingwa yungre, Man Yehova timo maeni ceke ngo.

Poi Mi Cik 8:17

man kara kud iwac i adundeni kumae, Tegona man tego mi cinga kelo lonyo maeni ira.

Poi Mi Cik 8:18

Ento ipoi kum Yehova Mungu peri, kum en e en m’emio iri tego m’inwang’u ko lonyo; kara eketh lembariba pare cungi m’eng’olo ni kwaru, calu mi ceng’ ma tin.

Yakobo 4:6

Ento emedo bero mange. Kum kumeno lembagora pa Mungu wacu kumae, Mungu gut kum jukuhaya, ento emio bero ni ju ma mol.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.