Jupoklembe 7:17 - The Holy Bible In Alur (Lur) Revised Orthography

¹⁷ Man ewacu igi kumae, Wunen i bang’a, man wutim kumeno: man, nen, kinde m’awok i kajik mi kagonjo, ebibedo nia, calu atimo, wun bende wutim kumeca.

Jupoklembe 7:17 ပူးပေါင်းရင်းမြစ်များ

Matayo 16:24

Yesu lund uwacu ni julubne kumae, Tek ng’atu moko yenyo elub ng’eya, dong’ ekwere gire, eting’ yen m’athara pare de, elub ng’eya.

1 Jukorinto 11:1

Wukwany kotha, calu an bende akwanyu koth Kristu.

Juebrania 13:7

Wupoi pi ju m’ubimo wiwu, dhanu ma giyero iwu lem pa Mungu; man ka wubepido pi kajik mi kura bedo migi ma gibedo ko kwo, wukwany ba yioyic migi.

1 Petro 5:3

kadi kud wurwodh arwodha wi ju ma jukethowu i wigi, endre wukethru ni por ni udul.

Jupoklembe 7:16

Man epoko dhanu dak adek ni ungu adek, man eketho agwara i cing’gi ceke kubang’gi kubang’gi, man cupa ma ie nanu, kud udok sengi yor i cupane.

Jupoklembe 7:18

Kinde m’akudho agwara, an ku dhanu ceke ma ni karacelo kuda, e wun bende wukudh agwara i ng’et kagonjo ceke, man wuwac kumae, Pi Yehova man pi Gideon.

Jupoklembe 9:48

Man Abimelek uidho malu wi got Zalmon, en ku dhanu ceke ma gini karacelo kude, man Abimelek uting’o lei i cinge, man etong’o jangyen ku kum yedhi man eting’e malu, ekethe de wi goke: man ewacu ni dhanu ma gini karacelo kude kumae, Gin ma wuneno atimo, wutim pio, man wutim calu atimo.