Jupoklembe 7:13 - The Holy Bible In Alur (Lur) Revised Orthography

¹³ Man ka Gideon uwok, nen, ng’atu moko nuti m’ubeyero lek ni jal wadi; man ewacu kumae, Nen, aleko lek; man, nen, lungu kwend nganu podho i gonjo mi Midian, man etundo ba hema, e egoye ketho epodho, man eloko wie piny, ketho hema vuto rec.

Jupoklembe 7:13 ပူးပေါင်းရင်းမြစ်များ

1 Jukorinto 1:27

ento Mungu foyo gin ma kitgi mbe i ng’om, kara eketh lewic umak ju ma gi riek; man Mungu foyo gin ma ng’ic m’i ng’om, kara eketh lewic umak weg tego;

Jupoklembe 3:15

Ento ka nyithindho mir Israel ulwong’o Yehova, Yehova ting’o igi jalar, en e Ehud ma wod Gera, Jabenyamini, ma jafacam. E nyithindho mir Israel uoro ajok i cinge bang’ Eglon m’ubimo mi Moab.

Jupoklembe 3:31

Man yo ku ng’eye Camgar ma wod Anath, m’ugoyo kind Jufilisti dhanu dak abusiel ku dindo ma juleko ko koni dhiang’: man en bende ebodho Israel.

Jupoklembe 4:21

Yael ma dhaku pa Heber ulund ugamu gute mi hema, man egamu nyondro i cinge, e ecidho yo yo i bang’e, man eguro gute i ternyime, e ekadhu cik i ng’om; kum eni i nindo ma pek; kum kumeno cwinye mwony man etho.

Jupoklembe 4:9

Man ewacu kumae, Wabicidho wakudi andha: ere woth m’iwotho bibedo ni yung iri ngo; kum Yehova bing’iewo Sisera i cing’ dhaku. Man Debora ai malu, man ecidho karacelo giku Barak i Kedec.

Jupoklembe 6:15

Man ewacu ire kumae, Ei, Rwoth, abibodho Israel kud ang’o? nen, wat para gi jucan m’usagu i Manase, an de a nok m’usagu i ot pa vwa.

Jupoklembe 7:12

Man Jumidiani ku Juamaleki man nyithindho ceke ma yo nyangu givuto i poga calu bonyo ni udulgi; man ngamia migi gibedo ma welgi mbe, calu kwio ma dhu nam ni udulgi.

Jupoklembe 7:14

Man jal wadi loko lembe man ewacu kumae, Maeni gin mange ngo ndhu palamularu pa Gideon ma wod Yoac, ma dhanu mir Israel: Mungu ketho Midian, kud udul dhanu ceke i cinge.

Jupoklembe 8:10

Nwang’u Zeba giku Zalmuna gini i Karkor, karacelo kud udul migi, ma yenyo romo dhanu rubanga apar wi abic, ma dong udul mi nyithindho ma yo nyangu m’udong’; kum dhanu ma weg palamularu m’upodho gi rubanga dak acel ku pier ario.