Jupoklembe 7:12 - The Holy Bible In Alur (Lur) Revised Orthography

¹² Man Jumidiani ku Juamaleki man nyithindho ceke ma yo nyangu givuto i poga calu bonyo ni udulgi; man ngamia migi gibedo ma welgi mbe, calu kwio ma dhu nam ni udulgi.

Jupoklembe 7:12 ပူးပေါင်းရင်းမြစ်များ

1 Ubimo 20:27

E jucoko nyithindho mir Israel, ku mio igi cemo de, man gicidho i kumgi: man nyithindho mir Israel ugonjo i wang’gi calu udul ario ma nok mi nyithi diegi; ento Jucami gipong’o ng’om.

1 Ubimo 4:30

Man rieko pa Suleman usagu rieko mi nyithindho ceke ma yo nyangu, ku rieko mi Misiri ceke.

Zaburi 3:1

Yehova, judegi para ginyai dit mire ma! Ju ma gigoyo korgi i kuma gi dupa.

Zaburi 33:16

Ubimo moko mbe ma both ni kum udul ma dit: Ng’atu ma tek both ungo ni kum tego ma dit.

Yeremia 46:23

Gibing’olo luli pare piny, Yehova wacu, kadok eyenjre ngo; kum welgi sagu bonyo, man gikiwandri ngo.

Yocuwa 11:4

Man gicidho woko, gin kud udul migi ceke karacelo kugi, dhanu dupa, cil calu kwio ma dhu nam ni udulgi, karacelo ku riuni man magali dupa dupa.

Jupoklembe 6:3

Man ebedo kumeno, kinde ma Israel ucoyo cam, nia Jumidiani giidho malu, ku Juamaleki, ma nyithindho ma yo nyangu; giidho malu i kumgi;

Jupoklembe 6:33

Jumidiani ceke ku Juamaleki man nyithindho ma yo nyangu gilund gicokri gigi karacelo; man gikadhu lokani, e gigonjo i poga mi Yezrel.

Jupoklembe 6:5

Kum giidho malu ku lim migi man hema migi; gimondo calu bonyo ni udulgi; gin ku ngamia migi gibedo umbe wel: e gimondo i ng’om kara ginyothe.

Jupoklembe 7:13

Man ka Gideon uwok, nen, ng’atu moko nuti m’ubeyero lek ni jal wadi; man ewacu kumae, Nen, aleko lek; man, nen, lungu kwend nganu podho i gonjo mi Midian, man etundo ba hema, e egoye ketho epodho, man eloko wie piny, ketho hema vuto rec.

Jupoklembe 8:10

Nwang’u Zeba giku Zalmuna gini i Karkor, karacelo kud udul migi, ma yenyo romo dhanu rubanga apar wi abic, ma dong udul mi nyithindho ma yo nyangu m’udong’; kum dhanu ma weg palamularu m’upodho gi rubanga dak acel ku pier ario.

1 Samwil 13:5

Man Jufilisti gicokri gigi karacelo kara gikied kud Israel, magali rubanga pier adek, man weg riuni rubanga abusiel, man dhanu calu kwio ma dhu nam ni udulgi: e giidho malu, man gigonjo i Mikmac, yo nyangu ni Beth-aven.

1 Samwil 30:17

Man Daudi goyogi ugambre ma mombwa thumo cil uthieno mir urwone: man ng’atu acel de mbe i kindgi m’uboth, ndhu awobi dak ang’wen kende m’uwotho ku wi ngamia, man giringo.