Jupoklembe 5:23 - The Holy Bible In Alur (Lur) Revised Orthography

²³ Wulam Meroz, malaika pa Yehova wacu, Wulam dhanune kurac, Kum gibino ngo gikony Yehova, Gikony Yehova kum ju ma tek.

Jupoklembe 5:23 ပူးပေါင်းရင်းမြစ်များ

Nehemia 3:5

Man yo ng’eigi Jutekoi giyiko ayika; ento judongo migi giketho ng’utg kum tic pa rwoth migi ngo.

Zaburi 94:16

Ng’a ma biai ira kum jutimraci? Ng’a ma bicungo ira kum jutim kieri?

Yeremia 48:10

Kwong’ wi ng’atu m’utimo tic pa Yehova ma k’eparu pire ngo; man kwong’ wi ng’atu m’ucero palamularu pare ni rimo.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Jurumi 15:18

Kum abibedo ku tegocwiny ungo m’ayer ko pi gin moko ndhu maeni ma Kristu timo ni kuma, pi woro mi Thekdhanumange, ku lembe man tic bende,

1 Jukorinto 16:22

Tek ng’atu moko maru Rwoth ungo, wek ebed anathema. Maranatha.

1 Jukorinto 3:9

Kum wan wa jutic ma watimo karacelo waku Mungugi: wun wu girafura pa Mungu, wu giragoma pa Mungu.

2 Jukorinto 6:1

E wan ma wabetimo karacelo wakude wabethokowu bende ya kud wujol bero pa Mungu mananu

Jupoklembe 13:3

Man malaika pa Yehova wok ba dhakune, man ewacu ire kumae, Nen kawono, mugumba kwenyi, man inyol ungo; ento ibigamu ii, man ibinyolo nyathin ma nico.

Jupoklembe 2:1

Man malaika pa Yehova idho malu kud i Gilgal ebino Bokim. Man ewacu kumae, Aketho wuidho malu kud i Misiri, man akelowu i ng’om m’akwong’o ni kwaruwu; man awacu kumae, Abituro lembariba para ma kudu ki ngo:

Jupoklembe 21:5

Man nyithindho mir Israel giwacu kumae, Ng’a ma nuti i kind suru ceke mir Israel m’uidho malu ngo i cokri ba Yehova? Kum nwang’u gitimo kwong’ ma dit pi ng’atu m’uidho malu ngo ba Yehova i Mizpa, giwacu kumae, Jubinege andha.

Jupoklembe 21:8

E giwacu kumae, Ng’a m’i kind suru mir Israel m’uidho malu ngo i wang’ Yehova i Mizpa? Man, nen, ng’atu moko mbe m’ubino ba gonjo kud i Yabec-gilead i cokri.

Jupoklembe 4:6

Man eoro elwong’o Barak ma wod Abinoam kud i Kedec-naftali, man ewacu ire kumae, Yehova, Mungu mir Israel ung’olo ngo, ewacu kumae, Cidh icor ceng’ni got Tabor, man igam dhanu rubanga apar i kind nyithindho pa Naftali man mi nyithindho pa Zebulun wuci wukugi?

Jupoklembe 5:13

E dong’ judongo gilund giloro piny ku dhanu de; Yehova loro piny pira kum ju ma tek.

Jupoklembe 6:11

Man malaika pa Yehova bino, man ebedo the bongu ma ni i Ofra, ma en e piny pa Yoac pa Jaabiezri: man wode ma Gideon ubeyoko nganu i pany mi pigulok, kara ekane ni Jumidiani.

Jupoklembe 8:5

Man ewacu ni dhanu mi Sukoth kumae, Akwayuwu, wumi lungu kwen ni dhanu m’uluba; kum givoc, man aberiemo Zeba giku Zalmuna, ma gin ubimo mi Midian.

Jupoklembe 8:6

Man judongomawijo mi Sukoth giwacu kumae, Cing’ Zeba ku Zalmuna gini i cingi kawono, ma nia wami kwen ni njuru asikari peri e?

Jupoklembe 8:8

Man eidho ku keca ba Penuel, man eyero igi kumeca; man dhanu mi Penuel de giloko ire calu dhanu mi Sukoth giloko.

1 Samwil 17:47

man kara cokri maeni ceke ging’ei nia Yehova bodho ku palamularu man ku tong’ ungo: kum lwiny en e pa Yehova, man ebimiowu i cingwa.

1 Samwil 18:17

E Saul uwacu ni Daudi kumae, Nen, nyara ma jadit ma Merab, abimie iri ni dhaku: endre ibed jakero ira, man ikied lwiny pa Yehova. Kum Saul uwacu kumae, Cinga kud ubed i wie, ento wek cing’ Jufilisti ubed i wie.

1 Samwil 25:28

Akwei, wek kier pa bong’ peri: kum Yehova bitimo ot ma tek ni rwoth para andha, kum rwoth para kiedo lwiny pa Yehova; man jubinwang’u dubo ngo i beng’i i ceng’ peri ceke.

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.