Jupoklembe 5:11 - The Holy Bible In Alur (Lur) Revised Orthography

¹¹ Bor ku badwand ju m’ukilo athero, i ka ma jutwomo ie pi, Gibiyero pi tic mi bedopwe pa Yehova keca, Cil tic mi bedopwe mi bim pare i Israel. Dhanu pa Yehova lund uloro piny dhugang’.

Jupoklembe 5:11 ပူးပေါင်းရင်းမြစ်များ

Thangambere 24:11

Man eketho ngamia girum piny ng’ei adhura ng’et kulo m’atong’a mi pi i kinde mir uthieno, i kinde ma mon cidho nitwomo ie pi.

Thangambere 29:2

Man eneno, man, nen, kulo m’atong’a i thim, man, nen, udul rombe adek ubevuto keca i ng’ete; kum gimio pi ni udul rombe kud i kulo m’atong’a maeca: e kidi ma ni wi dhu kulo m’atong’ane e dit.

Thangambere 29:3

Man udul rombe ceke gicokri kakeca: e ging’ielo kidi woko ku dhu kulo m’atong’a, man gimio pi ni rombe, man gidwoko kidi kendo kakare wi dhu kulo m’atong’a.

Kitabu Pa Yob 29:7

Kinde m’awok woko ba dhugang’ bang’ adhura, Kinde m’ayiko kom para i gengi

Zaburi 145:7

Gibiweco pi poi mi bero peri ma dit, Man gibiwero pi bedopwe peri.

Zaburi 71:15

Dhoga biyero pi bedopwe peri, Man pi both peri ceng’ du; Kum ang’eyo welne ngo.

Isaya 12:3

Ka kumeno wubitwomo pi kud i kulo m’atong’a mi both ku mutoro.

Isaya 28:6

man tipo mi poko lembe ni ng’atu m’ujany i pokolembe, man tego ni ju m’uloko ali cen ku i dhugang’.

Yeremia 7:2

Cung i dhugang’ mi ot pa Yehova, man iyer lembe maeni kuca, man iwac kumae, Wuwinj lembe pa Yehova, kewu ceke i Yuda, m’umondo i dhugang’ maeni nirwo ni Yehova.

Ywak 5:4

Wamadhu pi mwa mi sente; Yen mwa jung’iewo i bang’a.

Ywak 5:9

Wagamu cemo mwa ku both abotha mi kwo mwa, Kum palamularu mi langa.

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Poi Mi Cik 22:24

wulund wuter gin ario woko ba dhugang’ mir adhura maeno, e wucanygi ku kidi ma githo ko; nyakune, kum egoyo nduru ngo, m’eni i adhura; man nicone, kum ecido dhaku pa wadi: kab dubo woko kud i kindi kumeni.

Poi Mi Cik 33:21

E efoyo ng’ete ma kwong’a ire gire. Kum jukanu makapiny pa jamicik; Man ebino ku juwidhanu; Etimo bedopwe pa Yehova, Ku lembapoka pare kud Israel.

Jupoklembe 11:40

nia nyig Israel ucidho ku ba rundi kara gipoi kum nya Yeftha ma Jagileadi ceng’ ang’wen i rundi acel.

Jupoklembe 5:8

Gifoyo mungu ma nyen; I nindo maeca lwiny ubedo dhugang’: Ban kadi tong’ unen I kind rubanga pier ang’wen i Israeli?

1 Samwil 12:7

Ka kumeno wucung’ ling’, kara agony iwu i wang’ Yehova pi tic mi bedopwe ceke pa Yehova, m’etimo iwu man ni kwaruwu.