Jupoklembe 4:9 - The Holy Bible In Alur (Lur) Revised Orthography

⁹ Man ewacu kumae, Wabicidho wakudi andha: ere woth m’iwotho bibedo ni yung iri ngo; kum Yehova bing’iewo Sisera i cing’ dhaku. Man Debora ai malu, man ecidho karacelo giku Barak i Kedec.

Jupoklembe 4:9 ပူးပေါင်းရင်းမြစ်များ

2 Lemkei 26:18

man gijai ni Uzia m’ubimo, e giwacu ire kumae, En e tic peri ngo, Uzia, ma nia iwang’ udok ma ng’wice ng’ar ni Yehova, ento mi julam ma wot Harun, ma juthierogi kara giwang’ udok ma ng’wice ngar; ai woko kud i kamaleng’; kum idubo; kadok yung de bibedo mbe iri ku ba Yehova Mungu.

Jupoklembe 2:14

E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 4:8

Man Barak uwacu ire kumae, Tek wabicidho wakudi, e abicidho; ento tek iyio ngo wacidh wakudi, abicidho ngo.

Jupoklembe 9:53

Man dhaku moko bolo kidi rego ma malu i wi Abimelek, man eng’enyo upoko wie.

Jupoklembe 9:54

Elund elwong’o jalawobi ma jayei jamtho pare pio, man ewacu ire kumae, Wodh palamularu peri, man inega, kara dhanu kud uwac pira kumae, Dhaku nege. Man jalawobi pare dhuye plu, e etho.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.