Jupoklembe 4:7 - The Holy Bible In Alur (Lur) Revised Orthography

⁷ Man abitelo Sisera, ma jego mir udul asikari pa Yabin, i beng’i, dhukulo Kicon, karacelo ku magali pare man udul dhanu pare: man abikethe i cingi.

Jupoklembe 4:7 ပူးပေါင်းရင်းမြစ်များ

1 Ubimo 18:40

Man Elia wacu igi kumae, Wumak jubila pa Bal; kud wuwek acel m’i kindgi bothi. E gimakugi; man Elia kelogi piny i kulo Kicon, e enegogi keca.

Ai 14:17

Man an, nen, abidwoko adunde Jumisiri nwang’, man gibimondo i tokgi: man abinwang’u yung ni kum Farao, man ni kum udul pare ceke, man kum magali pare, man kum weg riuni pare.

Ai 14:4

E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 14:8

E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek.

Ai 21:13

Man tek ng’atu moko kanu adhi ngo, ento Mungu kethe i cinge; abilund ng’olo iri ka m’ering i ie.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

Yocuwa 11:20

Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Yocuwa 11:6

E Yehova wacu ni Yocuwa kumae, Lworo kud unegi i kumgi; kum urwo unyoni abimiogi ceke ma junego gi i wang’ Israel: ibitong’o ler riuni migi, man ibiwang’u magali migi ku mac.

Yocuwa 8:7

e wubiai malu ku ka ma wukanu ie adhi, man wubimwonyo adhurane: kum Yehova Mungu mu bimie i cingwu.

Jupoklembe 4:14

Man Debora wacu ni Barak kumae, Ai malu; kum maeni en e ceng’ ma Yehova mio ie Sisera i cingi: Yehova cidho woko i weng’i ngo? Kum kumeno Barak uloro ku wi got Tabor, ku dhanu rubanga apar m’ulubo ng’eye.

Jupoklembe 4:8

Man Barak uwacu ire kumae, Tek wabicidho wakudi, e abicidho; ento tek iyio ngo wacidh wakudi, abicidho ngo.

Jupoklembe 5:21

Kulo Kicon ukabugi cen, Kulo ma con maeno, kulo Kicon. E ng’eyong’ec para, woth i weng’i ku tego.

1 Samwil 24:10

Nen, tin weng’i neno maram Yehova ting’i ko tin i cinga i odng’om: man jumoko wacu ira nia anegi; ento aweki; man awacu kumae, Abirieyo cinga ngo kum rwoth para: kum en e ng’atu ma Yehova wiro.

1 Samwil 24:18

Man inyutho tin maram itimo ko ber i kuma, kum nwang’u Yehova ting’a i cingi, ere inega ngo.