Jupoklembe 4:6 - The Holy Bible In Alur (Lur) Revised Orthography

⁶ Man eoro elwong’o Barak ma wod Abinoam kud i Kedec-naftali, man ewacu ire kumae, Yehova, Mungu mir Israel ung’olo ngo, ewacu kumae, Cidh icor ceng’ni got Tabor, man igam dhanu rubanga apar i kind nyithindho pa Naftali man mi nyithindho pa Zebulun wuci wukugi?

Jupoklembe 4:6 ပူးပေါင်းရင်းမြစ်များ

Zaburi 7:6

Ai, E Yehova, i ng’ecwiny peri; Tingri malu wi rop mi jusend para, Man iceu pira: ing’olo lembapoka.

Zaburi 89:12

Yor ariwa ma malu man yor ariwa ma piny, iewiogi: Anyong’a nego Tabor man Hermon ni kum nyingi.

Zaburi 89:13

Ibedo ku bot ma tek; Cingi tek, man cingi ma yor acwic ni malu.

Yeremia 46:18

Ubimo, ma nyinge Yehova mir udul, uwacu kumae, Calu abedo kwo, andha calu Tabor i kind gudi, man calu Karmel dhu nam, ebibino kumeca.

Hoseya 5:1

Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Tic Mi Jukwenda 13:47

Kum Rwoth ung’olo iwa kumeno, ewacu kumae, Aketho in ni der mi Thekdhanumange, Kara ibed ni both cil i tung’ ng’om.

Juebrania 11:32

E kan ayer ang’o kendo? kum nindo biromo ira ngo tek ayero pi Gideon, man Barak, man Samson, man Yeftha; man pi Daudi man Samwil ku pi jubila:

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 19:22

man kieu utundo kum Tabor, ku Cahazuma, man Beth-cemec;

Yocuwa 19:32

Gagi mir abusiende wok ni nyithindho pa Naftali, en e ni nyithindho pa Naftali calku wat migi.

Yocuwa 19:35

E adhura ma tek en e Zidim, ku Zer, man Hamath, ku Rakath, man Cinereth,

Yocuwa 19:37

man Kedec, ku Edrei, man Enhazor,

Yocuwa 21:32

Man kud i suru pa Naftali, Kedec i Galilaya karacelo ku ng’ete, ma adhura mi ringo ni janek, man Hamoth-dor karacelo ku ng’ete, man Kartan karacelo ku ng’ete; adhura adek.

Jupoklembe 4:10

Man Barak ulwong’o Zebulun ku Naftali karacelo i Kedec; man dhanu rubanga apar uidho kude: Debora de idho karacelo kude.

Jupoklembe 5:1

Debora giku Barak ma wod Abinoam gilund giwero wer i ceng’ maeca, giwacu kumae,

Jupoklembe 6:35

Man eoro kwenda i kind Manase ngung’; e gin bende gicokri karacelo i toke: man eoro jukwenda bang’ Acer, man ba Zebulun, man ba Naftali; e giidho malu nirombo kugi.

Jupoklembe 8:18

Elund ewacu ni Zeba ku Zalmuna kumae, Dhanu ma wunego i Tabor gi dhanu ma kumani? Man giloko lembe kumae, Calu ibedo, gibedo kumeno; kubang’gi kubang’gi gi calu nyithindho mir ubimo.

1 Samwil 10:3

Ibilund cidho ku keca, man ibitundo ba bongu mi Tabor; man dhanu adek gibirombo kudi keca ma gibecidho malu ba Mungu i Beth-el, acel m’uyeyo nyithi diegi adek, man wadi m’uyeyo lungu kwen adek, man mucelo ke m’uyeyo cupa mi pigulok:

1 Samwil 12:11

Man Yehova oro Yerubal man Bedan, ku Yeftha, man Samwil, man ebodhowu kud i cing’ judegiwu kun ku kun; e wubedo museme.