Jupoklembe 3:7 - The Holy Bible In Alur (Lur) Revised Orthography

⁷ Man nyithindho mir Israel gitimo gin ma rac i wang’ Yehova, man wigi wil kum Yehova Mungu migi, man gitimo ni Balim ku mungu m’araga.

Jupoklembe 3:7 ပူးပေါင်းရင်းမြစ်များ

1 Ubimo 16:33

Man Ahab utimo mungu m’araga; e Ahab utimo rac ma sagu ubimo ceke mir Israel m’ular uwok ire, kara unyai ng’ecwiny i Yehova, Mungu mir Israel.

1 Ubimo 18:19

Ka kumeno kawono or kwenda, man icok Israel ceke i bang’a wi got Karmel, ku jubila pa Bal dak ang’wen ku pier abic, man jubila mi mungu m’araga dak ang’wen, ma camu dhu mesa pa Yezebel.

2 Ubimo 23:14

Man eturo mbegi nziki nziki, man etong’o mungu m’araga piny, man epong’o kakagi ku cogo mi dhanu.

2 Ubimo 23:6

Man ewo dho mungu m’araga woko kud i ot pa Yehova, ecidho kude ng’ei Yerusalem, ba kulo Kidron, man ewang’e dhu kulo Kidron, e eode edoko ni utur, man eoyo uturne wi liend dhanu ma sai.

2 Lemkei 15:16

Man Maka bende ma min Asa m’ubimo, ekabe kud ebed min ubimo, kum etimo ayi gin m’acwia ma judagu ni mungu m’araga; e Asa tong’o ayi gin m’acwia pare piny, man edwoke ni utur, e ewang’e dhu kulo Kidron.

2 Lemkei 24:18

E giweko ot pa Yehova, ma Mungu pa kwaru migi, man gitimo ni mungu m’araga kud ayi gin m’acwia: e kwinyo bino wi Yuda ku Yerusalem pi dubo migi maeni.

2 Lemkei 33:19

Rwo pare bende, man maram Mungu yio ko ire, ku dubo pare ceke man kier pare, man ka m’egomo ie ka ma malu, m’eketho ko mungu m’araga kud ayi gin m’apaya, ma fok ejwigre gire ngo, nen, gigore i lemkei pa Hozai.

2 Lemkei 33:3

Kum egomo ka ma malu kendo ma Hezekia ma won uturo piny; man eguro pemblam ni Balim, e etimo mungu m’araga, man erwo ni udul m’i polo ceke, etimo igi de.

2 Lemkei 34:3

Kum i rundi mir aborane mi camuker pare, kinde ma fodi en e aradu, emaku yenyo Mungu pa Daudi ma kwaru mire; man i rundi apar wi arionde emaku dwoko Yuda ku Yerusalem leng’ ni ka ma malu, ku mungu m’araga, man ayi gin m’apaya, kud ayi gin m’athiedha.

2 Lemkei 34:7

Man eturo pemblam piny, man eodo mungu m’araga kud ayi gin m’apaya de ni utur, e etong’o ayi gin m’acwia mi ceng’ ceke piny i ng’om Israel, man edok Yerusalem.

Zaburi 106:35

Ento giribri gigi ku thek, Man giponjo ng’eyo tic migi,

Zaburi 106:36

Man gitimo ni mungu m’araga migi, M’udoko ni uwic igi.

Zaburi 106:7

Kwaruwa ng’eyo thelembe mi musana peri ngo i Misiri; Gipoi ngo kum udul mer mi bero peri, Ento gijai dhu nam, en e Nam Makwar.

Ai 34:13

ento wutur pemblam migi, man wutur mbegi migi nziki nziki, man wutong’ mungu m’araga migi piny:

Yeremia 23:27

ma giparu ya giketh widhanu para wil kum nyinga ni kum lek migi ma giyero ku ba dhanu ku ba dhanu ng’atuman ni wadi, calu wi weggi wil kum nyinga pi Bal.

Poi Mi Cik 16:21

Kud ipidh iri mungu m’araga mi yen moko i ng’et pemblam pa Yehova Mungu peri, m’ibitimo iri.

Poi Mi Cik 4:9

Ndhu ibed ku weng’i i kumi giri, man igwok ng’eyong’ec peri cu, kara wii kud uwil kum gin ma weng’i neno, man kara ku giai kud i adundeni i nindo mi kwo peri ceke; ento keth ging’eiri ni nyithindhoperi man ni nyithindho mi nyithindho peri;

Poi Mi Cik 8:11

Bed ku weng’i kara wii kud uwil kum Yehova Mungu peri, m’igwok ko lembang’ola pare ngo, ku lembapoka pare, man cik pare, m’ang’olo iri tin:

Poi Mi Cik 8:14

adundeni lund utingre malu, man wii wil kum Yehova Mungu peri, m’uwodhi woko kud i ng’om Misiri, kud i ot mi ng’eca;

Poi Mi Cik 8:18

Ento ipoi kum Yehova Mungu peri, kum en e en m’emio iri tego m’inwang’u ko lonyo; kara eketh lembariba pare cungi m’eng’olo ni kwaru, calu mi ceng’ ma tin.

Jupoklembe 3:12

E nyithindho mir Israel utimo gin ma rac kendo i wang’ Yehova: man Yehova mio tego ni Eglon m’ubimo mi Moab kum Israel, kum gitimo gin ma rac i wang’ Yehova.

Jupoklembe 3:8

Ka kumeno ng’ecwiny pa Yehova opo kum Israel, man eng’iewogi i cing’ Kucan-ricathaim m’ubimo mi Mesopotamia: man nyithindho mir Israel utimo ni Kucan-ricathaim rundi abora.

Jupoklembe 6:25

Man etimbre i diewor nica, nia Yehova wacu ire kumae, Gam thwon dhiang’ pa wuru, en e thwon dhiang’ mir arionde ma rundi pare abiro, man iredh pemblam pa Bal ma wuru bedo ko, man itong’ mungu m’araga ma ni ceng’ni kude piny;

Jupoklembe 8:33

Man etimbre, nia ndhu ndh uka Gideon utho, nia nyithindho mir Israel gilokri kendo, man gitimo asara tok Balim, man giketho Bal-berith ni mungu migi.

Jupoklembe 8:34

Man nyithindho mir Israel gipoi kum Yehova Mungu migi ngo, m’ubodhogi kud i cing’ judegi migi ceke i ng’etgi kun ku kun;

1 Samwil 12:10

Man gilwong’o Yehova, e giwacu kumae, Wadubo, kum waweko Yehova, man watimo ni Balim man Actaroth: ento kawono bodhwa kud i cing’ judegi mwa, man wabitimo iri.

1 Samwil 12:9

Ento wigi wil kum Yehova Mungu migi; man eng’iewogi i cing’ Sisera, jego mir udul pa Hazor, man i cing’ Jufilisti, man i cing’ ubimo mi Moab; man gikiedo kugi.