Jupoklembe 20:2 - The Holy Bible In Alur (Lur) Revised Orthography

² Man rwodhi mi dhanu ceke, en e mi suru ceke mir Israel, ginyuthri gigi i cokri mi dhanu pa Mungu, dhanu m’uwotho ku tiendgi ma weg palamularu rubanga dak ang’wen.

Jupoklembe 20:2 ပူးပေါင်းရင်းမြစ်များ

2 Samwil 14:13

Man dhakune wacu kumae, Kum kumeno nedi ii pido pi wagi gin ma kumeni kum dhanu pa Mungu? kum kuyero lembe maeni ubimo bedo calu ng’atu ma lembe ni i wie, kum ubimo kudwoko ng’atu ma pare ma juriemo kendo ngo pacu.

2 Samwil 24:9

Man Yoab uwodho wel mi kwan mi dhanu ni ubimo: man dhanu ma i kind Israel ma Jurukara ma weg palamularu rubanga dak abora; man dhanu mi Yuda gi dhanu rubanga dak abic.

2 Ubimo 3:26

E kinde m’ubimo mi Moab uneno nia lwiny ubedo tek m’usage, egamu dhanu dak abiro gikugi ma weg palamularu, kara ging’eny piny gitund bang’ ubimo mir Edom; ento gicopo ngo.

Yocuwa 22:12

E kinde ma nyithindho mir Israel giwinjo pire, udul ceke mi nyithindho mir Israel gicokri gigi karacelo i Cilo, kara giidh malu i kumgi e gikied kugi.

Jupoklembe 20:15

E nyithindho pa Benyamin gikwandri i ceng’ maeca ku i adhura dhanu rubanga pier ario wi abusiel ma weg palamularu, umedo dhanu m’ubedo i Gibeya, ma gikwandri dhanu ma jugoyo wigi dak abiro.

Jupoklembe 20:17

Man dhanu mir Israel, ma Benyamin umbe i kindgi, jukwanugi rubanga dak ang’wen ma weg palamularu: maeni ceke gi dhanu mir ali.

Jupoklembe 20:3

(Nie nyithindho pa Benyamin giwinjo nia nyithindho mir Israel giidho malu i Mizpa.) Man nyithindho mir Israel giwacu kumae, Wac iwa, dubo maeni timbre nenedi.

Jupoklembe 8:10

Nwang’u Zeba giku Zalmuna gini i Karkor, karacelo kud udul migi, ma yenyo romo dhanu rubanga apar wi abic, ma dong udul mi nyithindho ma yo nyangu m’udong’; kum dhanu ma weg palamularu m’upodho gi rubanga dak acel ku pier ario.

1 Samwil 11:8

Man ekwanugi i Bezek; e nyithindho mir Israel gi rubanga dak adek, man dhanu pa Yuda gi rubanga pier adek.