Jupoklembe 2:4 - The Holy Bible In Alur (Lur) Revised Orthography

⁴ Man etimbre, kinde ma malaika pa Yehova yero lembe maeni ni nyithindho mir Israel ceke, nia dhanune ting’o dwandgi malu, man giywak.

Jupoklembe 2:4 ပူးပေါင်းရင်းမြစ်များ

Ezra 10:1

Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

Lembrieko 17:10

Juk mondo cu i ng’atu ma won ng’eyo thelembe Sagu goc dak i kum jakasegu.

Yeremia 31:9

Gibibino ku ywak; man abitelo wigi ku kwac: abiketho giwotho ng’et kulo ma dit mi pi, i yo m’atira ma gibikier i ie ngo; kum an a Wego ni Israel, man Efraim en e kayu para.

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Luka 6:21

Mugisa iwu wu ju ma kec unegowu kawono: kum wubiyeng’. Mugisa iwu wu ju m’uywak kawono: kum wubing’iero.

Luka 7:38

ecungo ko yor i ng’eye ba tiende, ku ywak, man emaku cwiro piwang’e wi tiende, eyweyogi de ku yukwie, man ecwio tiende, ewirogi de ku mo.

2 Jukorinto 7:10

Kum can ma ayi Mungu ni i kume timo ni lokocwiny ni both, en e lokocwiny ma kelo can ungo: endre can m’i ng’om timbre ni tho.

Yakobo 4:9

Dong’ wusendru, can unegwu de, man wuywaki: wek ng’iero mu dok ni can, mutoro mu de ni adieng’acwiny.

Jupoklembe 2:3

Kum kumeno an bende awacu kumae, Abiriemogi woko ngo kud i weng’wu; ento gibibedo ni ukudho i ng’etwu, man mungu migi bibedo ni uwic iwu.

Jupoklembe 2:5

E gilwong’o nying’ ka maeno Bokim: e gilamu lam keca ni Yehova.

1 Samwil 11:4

Jukwenda gilund gibino i Gibeya pa Saul, man giyero lembe maeni i ith dhanu: man dhanune ceke giting’o dwandgi malu, e giywak.

1 Samwil 7:6

Man gicokri karacelo i Mizpa, e gitwomo pi, man gikonje woko i wang’ Yehova, e giweko cam i ceng’ maeca, man giwacu kumae keca, Wadubo ni Yehova. Man Samwil upoko lembe mi nyithindho mir Israel i Mizpa.