Jupoklembe 2:21 - The Holy Bible In Alur (Lur) Revised Orthography

²¹ an bende ugambre kawono abiriemo woko ngo kud i wang’gi thek moko ma Yocuwa weko kan etho;

Jupoklembe 2:21 ပူးပေါင်းရင်းမြစ်များ

Ezekiel 20:24

kum gitimo lembapoka para ngo, ento gikwero cik para, man gicido ceng’ sabatu para, man wang’gi lubo tok mungu m’araga pa kwarugi.

Yocuwa 23:13

dong’ wung’ei andha nia Yehova Mungu mu biriemo thek maeni kendo ngo kud i weng’wu; ento gibibedo iwu ni uwic man ngbak, man ukede i ng’etwu man ukudho i Weng’wu, cil ma wunyothru ko woko kud i ng’om maeni ma ber ma Yehova Mungu mu mio iwu.

Yocuwa 23:4

Nen, aporo iwu thek maeni m’udong’, ubed ni aba ni suru mu, ugambre kulo Yordan, karacelo ku thek ceke m’akabu cen, cil kum nam ma dit yo ku mwonyceng’.

Yocuwa 23:5

Man Yehova Mungu mu, ebicwalugi cen kud i weng’wu, man ebiriemogi kud i weng’wu; e wubimwonyo ng’om migi, calu Yehova Mungu mu yero iwu.

Jupoklembe 1:1

Man etimbre yo ng’ei tho pa Yocuwa, nia nyithindho mir Israel gipenjo ba Yehova, giwacu kumae, Ng’a ma bilar idho malu piwa kum Jukanani, nikiedo kugi?

Jupoklembe 2:3

Kum kumeno an bende awacu kumae, Abiriemogi woko ngo kud i weng’wu; ento gibibedo ni ukudho i ng’etwu, man mungu migi bibedo ni uwic iwu.

Jupoklembe 3:1

Nie maeni thek ma Yehova weko, kara emul i Israel kugi, en e dhanu mir Israel m’ung’eyo lwiny ceke mi Kanan ungo;

Jupoklembe 3:3

thekne gi eni, rwodhi abic mi Jufilisti, ku Jukanani ceke, ku Jusidoni, ku Juhivi m’ubedo i got Lebanon, ugambre kum got Balhermon cil kum kamondo mi Hamath.