Jupoklembe 2:20 - The Holy Bible In Alur (Lur) Revised Orthography

²⁰ E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

Jupoklembe 2:20 ပူးပေါင်းရင်းမြစ်များ

2 Samwil 24:1

E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

Zaburi 106:40

Ka kumeno kwinyo pa Yehova opo kum dhanu pare, Man edagu aba pare.

Zaburi 78:10

Giworo lembariba pa Mungu ngo, Man gikwero wotho ku cik pare;

Yeremia 31:32

calku lembariba m’atimo ku kwarugi ngo i ceng’ m’agamugi ie ku cing’ kara awodhgi woko kud i ng’om Misiri; ma lembaribane gituro, kadok an a nico migi, Yehova wacu.

Ezekiel 20:37

Man abiketho wukadhu the dul, man abikelowu i twic mi lembariba;

Kitabu Mir Ang’wende Pa Musa Wel 32:13

E ng’ecwiny pa Yehova opo kum Israel, man eketho gidhokri kun ku kun i langa rundi pier ang’wen, maram dhanum’utuk ceke, m’utimo rac i wang’ Yehova, githum ko.

Poi Mi Cik 32:22

Kum mac uopo i ng’ecwiny para, Man ewang’ cil kum liel ma piny, Man ecamu ng’om ku nyai pare, Man ecwinyo the gudi.

Yocuwa 23:16

Ka wukadhu ku wi lembariba pa Yehova Mungu mu, m’eng’olo iwu, man wucidho wutimo ni mungu mange, man wurum giwu i bang’gi; e kwinyo pa Yehova bilund opo i kumwu, man wubinyothru pio kud i ng’om ma ber m’emio iwu.

Jupoklembe 10:7

E ng’ecwiny pa Yehova opo kum Israel, man eng’iewogi i cing’ Jufilisti, man i cing’ nyithindho mir Amon.

Jupoklembe 2:14

E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 2:19

Ento etimbre, ka japoklembene tho, nia gilokri, man gitimo rac ma sagu kwarugi, ku lubo mungu mange kara gitim igi, man girum igi de; man giweko timo migi ma gitimo ngo, kadi yo migi mi camuco de giweko ngo.

Jupoklembe 3:8

Ka kumeno ng’ecwiny pa Yehova opo kum Israel, man eng’iewogi i cing’ Kucan-ricathaim m’ubimo mi Mesopotamia: man nyithindho mir Israel utimo ni Kucan-ricathaim rundi abora.