Jupoklembe 2:18 - The Holy Bible In Alur (Lur) Revised Orthography

¹⁸ Man ka Yehova ting’o igi jupoklembe, e kinde maeca Yehova bedo karacelo ku japoklembene, man ebodhogi kud i cing’ judegi migi i nindo pa japoklembene ceke: kum kisa nego Yehova kum cur migi ma gicur ko kum ju m’usendogi m’ung’abu cwinygi de.

Jupoklembe 2:18 ပူးပေါင်းရင်းမြစ်များ

Thangambere 6:6

Man Yehova lokre kum etimo dhanu wi ng’om, man can unege i adundene.

2 Ubimo 13:4

Man Yehoahaz ukwayu Yehova, e Yehova winjo dwande; kum eneno masendi mir Israel, maram ubimo mi Cami usendo kogi.

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 90:13

Dwogi, E Yehova; rokani? Man ilok cwinyi kum jutic peri.

Ai 2:24

E Mungu winjo cur migi, man Mungu poi kum lembariba pare ma giribo gikud Ibrahim, man kud Isak, man ku Yakobo.

Ai 3:12

Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 32:14

E Yehova lokre ni lem ma rac m’ewacu nia ebitimo kum dhanu pare.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Yona 3:10

E Mungu neno tic migi, nia gilokri kud i yo migi ma rac; e Mungu loko cwinye kum gin ma rac m’ewacu ebitimo i kumgi; man etime ngo.

Kitabu Mir Ang’wende Pa Musa Wel 10:9

Man kinde ma wucidho ba lwiny i ng’om mu wi jadegi ma sendowu, wubilund kudho girapoya kud agwara; e jubipoi piwu i wang’ Yehova Mungu mu, e wubiboth ni judegi mu.

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Yocuwa 1:5

Ng’atu moko mbe ma bicopo cungo i weng’i i nindo ceke m’ibedo ie kwo: calu abedo ku Musa, abibedo kudi de kumeca; abirem iri ngo, kadi abikuni de ngo.

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.

Jupoklembe 11:32

Kum kumeno Yeftha kadhu lokaca ba nyithindho mir Amon nikiedo kugi; e Yehova kethogi i cinge.

Jupoklembe 2:19

Ento etimbre, ka japoklembene tho, nia gilokri, man gitimo rac ma sagu kwarugi, ku lubo mungu mange kara gitim igi, man girum igi de; man giweko timo migi ma gitimo ngo, kadi yo migi mi camuco de giweko ngo.

Jupoklembe 3:9

E ka nyithindho mir Israel ulwong’o Yehova, Yehova ting’o jalar ni nyithindho mir Israel, m’ubodhogi, en e Othniel ma wod Kenaz, m’umin Kaleb ma nok.

Jupoklembe 6:12

Man malaika pa Yehova wok i bang’e, man ewacu ire kumae, Yehova ni kudi, in i ng’atu ma tek ma jarukara.

Jupoklembe 6:16

Man Yehova wacu ire kumae, Wabibedo wakudi andha, man ibigoyo Jumidiani calu ng’atu acel.