Jupoklembe 2:17 - The Holy Bible In Alur (Lur) Revised Orthography

¹⁷ Man kadok kumeno de giwinjo ngo ba jupoklembe migi; kum gitimo calu weg asara tok mungu mange, man girum gigi i wang’gi: gikier pio kud i yo ma kwarugi wotho i ie, ma giworo ko lembang’ola pa Yehova; ento gin gitimo kumeca ngo.

Jupoklembe 2:17 ပူးပေါင်းရင်းမြစ်များ

Zaburi 106:39

Kumeno gicido ku tic migi, Man gitimo tarwang’ i giratima migi.

Zaburi 106:43

Ebodhogi wang’ udul; Ento gijai i lembapora migi, Man jujwigogi i kier migi.

Zaburi 73:27

Kum, nen, ju ma gini bor kudi gibinyothri: Inyotho dhanu ceke m’utimo tarwang’, ma giweki.

Ai 32:8

gilokri cen pio kud i yo m’ang’olo igi: gitimo igi ayi nyathi dhiang’ m’atwaga, man girwo ire, gilamu lam ire de, man giwacu kumae, Maeni mungu peri, E Israel, m’uwodhi woko kud i ng’om Misiri.

Yeremia 3:6

Man ke Yehova wacu ira kumae i nindo pa Yosia m’ubimo, Ineno gin ma Israel m’ucoro cen utimo? eidho malu wi gudi ma wiu kubang’e kubang’e man the yen m’udinyo kubang’e kubang’e, man etimo tarwang’ keca.

Yeremia 6:16

Yehova wacu kumae, Wucung i yo man wunen, wupenj de pi yo ma con, ma yo ma ber ni i ie; man wuwoth i ie, e wubinwang’u yom ni ng’eyong’ec mu: ento giwacu kumae, Wabiwotho i ie ngo.

Hoseya 2:2

Wuii ku megwu, wuii; kum en e dhaku para ngo, kadok an de an a cware ngo; man wek ecor asara pare cen kud i wang’e, man dubri swa pare ku kind thuno pare;

Lembe Mi Julawi 17:7

E gibilamu lam migi kendo ngo ni nyogi diegi, ma gicidho nitimo kudo tarwang’. Maeni bibedo ni cik mi nja igi cil kum dhanum’utuk migi ceke.

Amos 2:4

Yehova wacu kumae: Mi gondri adek mi Yuda, eyo mir ang’wen, abiloko masendine cen ungo; kum gikwero cik pa Yehova, man gigwoko cik pare ngo, ndra migi ketho gikier, ma calu kwarugi wotho i ie.

Jugalatia 1:6

Ia wang’ lii ka wuai pio kumeno ba ng’atu m’ulwong’owu i bero pa Kristu wudok ba lembanyong’a ma tung’;

Poi Mi Cik 31:16

E Yehova wacu ni Musa kumae, Nen, ibinindo ku kwaru: e dhanu maeni biai, man gibitimo tarwang’ tok mungu ma juwirok mi ng’om ka ma gicidho i ie kara gibed i kindgi, man gibiweka, e gibituro lembariba para m’atimo kugi.

Poi Mi Cik 31:18

E abipanu wang’a andha i ceng’ maeca kum dubo ceke ma gitimo, kum gilokri ba mungu mange.

Poi Mi Cik 9:12

E Yehova wacu ira kumae, Ai, lor piny ku keni pio; kum dhanu peri m’iwodho woko kud i Misiri ginyothri gigi; gilokri cen pio kud i yo m’ang’olo igi; gitimo ayi m’acwia m’atwaga igi.

Poi Mi Cik 9:16

E aneno man, nen, wudubo ni Yehova Mungu mu; wutimo nyathi dhiang’ m’atwaga iwu: wulokru cen pio kud i yo ma Yehova ng’olo iwu.

Yocuwa 24:24

E dhanune wacu ni Yocuwa kumae, Wabitimo ni Yehova Mungu mwa, man wabiwinjo dwande.

Yocuwa 24:31

E Israel utimo ni Yehova i nindo ceke pa Yocuwa, man i nindo ceke mi judongo m’ubedo kwo yo ng’ei Yocuwa, man m’ung’eyo tic ceke pa Yehova, m’etimo ni Israel.

Jupoklembe 2:7

Man dhanune gitimo ni Yehova i nindo ceke pa Yocuwa, man i nindo ceke mi judongo m’ubedo i ng’ei Yocuwa, ma gineno tic ma dwong’ ceke pa Yehova m’etimo pir Israel.

Jupoklembe 8:33

Man etimbre, nia ndhu ndh uka Gideon utho, nia nyithindho mir Israel gilokri kendo, man gitimo asara tok Balim, man giketho Bal-berith ni mungu migi.

1 Samwil 12:12

Ento ka wuneno nia Nahac m’ubimo mi nyithindho mir Amon ubino i kumwu, wuwacu ira kumae, Ungo, ento ubimo bicamu ker i wiwa; ma nwang’u Yehova Mungu mu en e ubimo mu.

1 Samwil 12:17

En e palacam mi nganu tin ungo? Abilwong’o Yehova, kara eor morpolo ku koth; e wubing’eyo wubineno de nia dubo mu e dit, ma wutimo i wang’ Yehova, i penji ma wupenjo ko ubimo iwu.

1 Samwil 12:19

Man dhanune ceke giwacu ni Samwil kumae, Rwo ni Yehova Mungu peri pi jutic peri, kara ku watho; kum wamedo kum dubo mwa ceke kier maeni, ma wapenjo ko iwa ubimo.