Jupoklembe 2:14 - The Holy Bible In Alur (Lur) Revised Orthography

¹⁴ E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 2:14 ပူးပေါင်းရင်းမြစ်များ

2 Samwil 24:1

E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

2 Samwil 7:11

man calu ugambre i ceng’ m’ang’olo ya jupoklembe bed wi dhanu para Israel; man abiketho iyom ni judegi peri ceke. Mange ke Yehova yero iri nia Yehova bitimo iri ot.

2 Ubimo 13:3

E ng’ecwiny pa Yehova opo kum Israel, man emiogi i cing’ Hazael m’ubimo mi Cami, man i cing’ Ben-hadad ma wod Hazael, thiri thiri.

2 Ubimo 17:20

E Yehova kwero kodhi ceke mir Israel, man esendogi, e emiogi i cing’ junyoth, cil m’ebayugi ko kud i wang’e.

2 Lemkei 15:5

Man i nindo maeca kwiocwiny umbe ba ng’atu m’uwok woko, kadi ba ng’atu m’umondo; ento ang’abacwiny ma dit ni wi dhanu ceke m’ubedo i ng’om.

2 Lemkei 28:5

Kum kumeno Yehova Mungu pare mie i cing ubimo mi Cami; e gigoye, man giyaku udul ma dit ma pare ni ng’eca, e gikelogi i Dameski. Man jumie bende i cing ubimo mir Israel, m’ugoye ku nek ma dit.

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

Nehemia 9:27

Ka kumeno imiogi i cing’ jusendgi, m’usendogi: man i nindo mi can migi, ka giywak i beng’i, iwinjo kud i polo; man calkud udul kisa peri imio igi jular m’ubodhogi kud i cing’ jusend migi.

Zaburi 44:11

Idwokowa calu rombe mir acama, Man ikethowa i kind thek.

Zaburi 44:12

Iloko dhanu peri ku gin moko ngo, Man inwang’u kuloka ngo ku welpiny migi.

Isaya 42:24

Ng’a m’umio Yakobo mir ayeki, man Israel ni weg ayeki? Yehova timo en ungo? en e ng’atu ma wadubo ire, man ng’atu ma gikwero wotho i yo pare, kadok cik pare de giworo ngo.

Isaya 50:1

Yehova wacu kumae, Waraga mi riem pa meru ni kani, m’arieme kudo? kadi ang’iewowuba jami banja para ma kani? Nen, jung’iewowu kum kier mu, man juriemo meru kum gondri mu.

Yeremia 37:10

Kum kadok wugoi njuru asikari ceke mi Jukaldayo m’ukiedo i kumwu, man kadok donge m’udong’ gi weg lero kwa, ento kuno di giai malu kubang’gi kubang’gi ng’atuman i hema pare, man giwang’u adhura maeni ku mac.

Lembe Mi Julawi 26:17

Man abiketho wang’a i kumwu, jubigoyowu de i wang’ judegiwu: ju m’udaguwu bibimo wiwu; e wubiringo ma ng’atu moko mbe m’uriemowu.

Lembe Mi Julawi 26:28

abilund wotho ku co iwu ku kwinyo; man an bende abiponjowu wang’ abiro pi dubo mu.

Lembe Mi Julawi 26:37

Man gibipodho man wi wadi man wi wadi, calu i wang’ palamularu, kinde ma ng’atu moko lubo tokgi ngo: e tego mu bibedo mbe ma wucung ko i wang’ judegiwu.

Kitabu Mir Ang’wende Pa Musa Wel 32:13

E ng’ecwiny pa Yehova opo kum Israel, man eketho gidhokri kun ku kun i langa rundi pier ang’wen, maram dhanum’utuk ceke, m’utimo rac i wang’ Yehova, githum ko.

Kitabu Mir Ang’wende Pa Musa Wel 32:14

Man, nen, wucungo i ka pa kwaruwu, nyai mi judubo, kara wumed ng’ecwiny pa Yehova ma lake tek kendo yo bang’ Israel.

Poi Mi Cik 28:20

Yehova bioro kwong’ i wii, kud ang’abacwiny, man juk, i gin ceke m’iketho cingi i kume ya itim, cil m’inyothri ko, man cil m’irwinyo ko pio; kum dubo mi giratima peri, m’iweka kudo.

Poi Mi Cik 28:25

Yehova biketho jugoi i wang’ judegi peri; ibiwok i yo acel i wigi, man ibiringo i yo abiro i wang’gi: man jubikethi kun ku kun i kind thek ceke mi ng’om.

Poi Mi Cik 28:58

Tek ibiketho cwinyi kum timo lembe ceke mi cik maeni ma jukiewo i kitabu maeni ngo, kara ilwor nying’ maeni mi yung man mi ndiri, en e YEHOVA MUNGU PERI;

Poi Mi Cik 32:30

Ng’atu acel copo riemo rubanga nenedi, Man juario tugo rubanga apar ku ng’wec nenedi, Tek Cana migi ku ng’iewogi ngo, Man Yehova miogi ngo?

Yocuwa 23:16

Ka wukadhu ku wi lembariba pa Yehova Mungu mu, m’eng’olo iwu, man wucidho wutimo ni mungu mange, man wurum giwu i bang’gi; e kwinyo pa Yehova bilund opo i kumwu, man wubinyothru pio kud i ng’om ma ber m’emio iwu.

Jupoklembe 1:19

Man Yehova ni karacelo ku Yuda; man eriemo ju m’ubedo i ng’om gudi woko; kum ecopo riemo ju m’ubedo i poga woko ngo, kum gibedo ku magali mi nyunyu.

Jupoklembe 1:34

Man Juamori gicwalu nyithindho pa Dan i ng’om gudi; kum giyio ngo igi nia gilor piny i poga;

Jupoklembe 10:7

E ng’ecwiny pa Yehova opo kum Israel, man eng’iewogi i cing’ Jufilisti, man i cing’ nyithindho mir Amon.

Jupoklembe 2:20

E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

Jupoklembe 3:12

E nyithindho mir Israel utimo gin ma rac kendo i wang’ Yehova: man Yehova mio tego ni Eglon m’ubimo mi Moab kum Israel, kum gitimo gin ma rac i wang’ Yehova.

Jupoklembe 4:2

Man Yehova ng’iewogi i cing’ Yabin m’ubimo mi Kanan, m’ucamu ker i Hazor; ma jatel wi udul pare en e Sisera, m’ubedo i Haroceth mi Thekdhanumange.