Jupoklembe 18:5 - The Holy Bible In Alur (Lur) Revised Orthography

⁵ Man giwacu ire kumae, Wapenji, penj lembapora ba Mungu iwa, kara wang’ei tek yo mwa ma wawotho i ie bibedo miero.

Jupoklembe 18:5 ပူးပေါင်းရင်းမြစ်များ

1 Ubimo 22:5

Man Yehocafat uwacu ni ubimo mir Israel kumae, Akwei, lar ipenj lembe ba Yehova.

2 Ubimo 16:15

Man Ahaz m’ubimo ng’olo ni Urija ma jalam, ewacu kumae, Wang’ lam m’awang’a mi kugweno wi pemblam ma dit, ku lam mi mogo mir uthieno, ku lam m’awang’a p’ubimo, ku lam mi mogo pare, ku lam m’awang’a mi dhanu ceke m’i ng’om, man lam mi mogo migi, ku lam m’amadha migi; man ikir rimo ceke mi lam m’awang’a i wie, ku rimo ceke mi lam: ento lam mi mola bibedo ira m’apenjo kudo.

Isaya 30:1

Can i wi nyithindho mi jai, Yehova wacu, m’uporo lembe, ento i bang’a ngo; man m’utimo lembariba, ento ku Tipona ngo, kara gimed dubo kum dubo;

Ezekiel 21:21

Kum ubimo mi Babeli cungo i akarayo, i wi yo ario, kara etim ng’eyolembe: eyenyo athero kun ku kun, epenjo ayi gin m’acwia, eneno i cwiny ma ring’kum.

Hoseya 4:12

Dhanu para gipenjo lembapora ba dundyen migi, man uluth migi yero igi; kum tipo mir asara ketho gikier, e gitimo tarwang’, ma giai ko ku the cing’ Mungu migi.

Tic Mi Jukwenda 8:10

ma dhanu ceke de giciko ithgi i bang’e, dhanu ma sai ku dhanu ma pigi yik de, giwacu kumae, Ng’atuni en e tego maeno pa Mungu ma julwong’o Dwong’.

Jupoklembe 17:13

Mika lund uwacu kumae, Kawono ang’eyo nia Mungu bitima ber, kum abedo ku Jalawi ni jalam para.

Jupoklembe 17:5

Man ng’atu ma Mikane bedo ku ot mi mungu, man etimo ugoke, man mungu m’acwia, man ethiero wode acel, m’edoko jalam pare.

Jupoklembe 18:14

Dhanu abic ma gicidho libo ng’om mi Laie, gilund giloko lembe man giwacu ni uturneggi kumae, Wung’eyo nia ugoke nuti i udi maeni, ku mungu m’acwia, man ayi m’acwia m’ang’ika, kud ayi m’acwia m’atwaga? ka kumeno kawono wupid pi gin ma maku wutim.

Jupoklembe 18:4

Man ewacu igi kumae, Mika timo ira kumae, man kumae, man emio sukulia ira, an de adoko jalam pare.

Jupoklembe 18:6

E jalam uwacu igi kumae, Wucidh ma cwinywu kwio: yo mu ma wucidho i ie ni i wang’ Yehova.

1 Samwil 9:9

(Con i Israel, kinde ma ng’atu moko cidho nipenjo lembe ba Mungu, ewacu kumae, Wubin, man dong’ wacidhu ba jaeulembe; kum ng’atu ma julwong’e Jabila kawono naka julwong’e Jaeulembe.)