Jupoklembe 17:3 - The Holy Bible In Alur (Lur) Revised Orthography

³ Man edwoko sente ma tar dak apar wi acel ba min; man min uwacu kumae, Andha athiero mola ma tarne ni Yehova, uai kud i cinga ni woda kara eng’ik ayi gin m’acwia man ethiedh ayi gin m’atwaga: ka kumeno kawono abidwoke i beng’i.

Jupoklembe 17:3 ပူးပေါင်းရင်းမြစ်များ

2 Lemkei 33:7

Man eketho ayi gin m’acwia m’apaya mi mungu m’araga, m’etimo, i ot pa Mungu, ma Mungu wacu pire ni Daudi man ni Suleman ma wode kumae, Abiketho nyinga mi nja i ot maeni, man i Yerusalem, m’agoyo wie kud i suru ceke mir Israel:

Ai 20:23

Kud wutim mungu mange karacelo kuda; mungu mi mola ma tar, kadi mungu mi mola ma kwar, kud wutim iwu.

Ai 20:4

Kud itim ayi m’ang’ika iri, kadi ayi gin moko ma malu i polo, kadi ma piny i ng’om, kadi ma ni i pi the ng’om:

Ai 34:17

Kud itim mungu m’acwia m’atwaga iri ki.

Isaya 30:22

Man wubicido girauma peri mir ayi gin m’acwia mi mola ma tar m’ang’ika, man giramwona mir ayi gin m’acwia peri mi mola ma kwar m’atwaga; ibibayugi cen calu gin m’ucido; ibiwacu ire kumae, Ai kakeni.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Yeremia 10:8

Ento gi calu lim man kitgi mbe karacelo: ponji mir ayi gin m’acwia! en e dundyen kende.

Lembe Mi Julawi 19:4

Kud wulokru ba mungu m’araga, kadi kud wutim mungu m’atwaga iwu giwu: an a Yehova Mungu mu.

Yohana 16:2

Gibiwodhowu woko kud i cokri: eyo, saa bebino, nia ng’atu m’unegowu biwacu nyo ethiero rwo ni Mungu.

Poi Mi Cik 12:3

man wurung pe mblam migi, wutur mbegi migi de nziki nziki, man wuwang’ mungu m’araga migi ku mac; man wutong’ ayi m’acwia m’ang’ika mi mungu migi; man wunyoth nying’gi ku kakeca.

Poi Mi Cik 27:15

Kwong’ ubed wi ng’atu m’utimo ayi m’acwia m’ang’ika kadi m’atwaga, en e ginmajudagu ni Yehova, tic mi cing’ jabodho, man eting’e malu ling’. E dhanu ceke gibiloko lembe gibiwacu kumae, Amen.

Jupoklembe 17:13

Mika lund uwacu kumae, Kawono ang’eyo nia Mungu bitima ber, kum abedo ku Jalawi ni jalam para.

Jupoklembe 17:2

Man eyero ni min kumae, sente mi mola ma tar dak apar wi acel ma juyaku kud i beng’i, m’ikwong’o pire, man iyere bende i itha, nen, mola ma tarne eni i bang’a; agame an. Man min uwacu kumae, Mugisa pa Yehova ukwany woda.

Jupoklembe 17:4

E kan edwoko sente ba min, min ugamu sente mi mola ma tarne dak ario, man emiogi ba jabodho, m’etimo kudo ayi gin m’acwia m’ang’ika kud ayi gin m’acwia m’atwaga: man eni i ot pa Mika.

Jupoklembe 18:30

Man nyithindho pa Dan giketho ayi m’acwia m’ang’ika cungo igi gigi; man Yonathan, ma wod Gercon, ma wod Musa, en ku wote gi julam mi suru mi Judani cil i ceng’ mir ayeki mi ng’ombe.

Jupoklembe 18:5

Man giwacu ire kumae, Wapenji, penj lembapora ba Mungu iwa, kara wang’ei tek yo mwa ma wawotho i ie bibedo miero.