Jupoklembe 17:2 - The Holy Bible In Alur (Lur) Revised Orthography

² Man eyero ni min kumae, sente mi mola ma tar dak apar wi acel ma juyaku kud i beng’i, m’ikwong’o pire, man iyere bende i itha, nen, mola ma tarne eni i bang’a; agame an. Man min uwacu kumae, Mugisa pa Yehova ukwany woda.

Jupoklembe 17:2 ပူးပေါင်းရင်းမြစ်များ

Thangambere 14:19

Man emio mugisa ire, man ewacu kumae, Mugisa pa Mungu ma Malu Ngbir, ma jacwi polo ku ng’om, ukwany Abram:

Nehemia 13:25

E wadhau kugi, man akwong’ogi, e agoyo jumoko m’i kindgi, man adoyo yukwigi, e aketho gikwong’o ku Mungu, awacu kumae, Wubimio nyigwu ni wotgi ngo, kadi wubigamu migi ni wotwu de ngo, kadi piwu giwu.

Zaburi 10:3

Kum jadubo lule kum yeny ma rac ma adunde yenyo, Man emio mugisa ni ju m’uketho cwinygi hai kum piny, ento ecayu Yehova.

Ai 20:7

Kud ilwong’ nying’ Yehova Mungu peri mananu; kum ng’atu m’ulwong’o nyinge mananu bibedo umbe dubo ngo ku ba Yehova.

Lembrieko 28:24

Ng’atu ma tek uyaku won kadi min, man m’uwacu kumae, En e kier ungo, Ng’atuca en e wadi janyoth.

Yeremia 48:10

Kwong’ wi ng’atu m’utimo tic pa Yehova ma k’eparu pire ngo; man kwong’ wi ng’atu m’ucero palamularu pare ni rimo.

Matayo 26:74

Elund emaku yanyu ayany ku kwong’o kwong’ de, ewacu kumae, Ang’eyo ng’atuno ngo. E ndhu ndhu nica kulok ukok.

Jurumi 9:3

Kum acopo yenyo ya an gira abed ma kwong’ ni i wia m’ukoya ku Kristu kum utumira, ma gi wedina calku kum:

1 Jukorinto 16:22

Tek ng’atu moko maru Rwoth ungo, wek ebed anathema. Maranatha.

Poi Mi Cik 27:16

Kwong’ ubed wi ng’atu m’ucayu won kadi min. E dhanu ceke biwacu kumae, Amen.

2 Yohana 1:11

kum ng’atu m’umothe nwang’u giribri gikude i tic ma rac pare.

Jupoklembe 17:1

Man ng’atu moko nuti m’i ng’om gudi pa Efraim, ma nyinge Mika.

Jupoklembe 17:3

Man edwoko sente ma tar dak apar wi acel ba min; man min uwacu kumae, Andha athiero mola ma tarne ni Yehova, uai kud i cinga ni woda kara eng’ik ayi gin m’acwia man ethiedh ayi gin m’atwaga: ka kumeno kawono abidwoke i beng’i.

Jupoklembe 5:23

Wulam Meroz, malaika pa Yehova wacu, Wulam dhanune kurac, Kum gibino ngo gikony Yehova, Gikony Yehova kum ju ma tek.

Ruth 3:10

Man ewacu kumae, Mugisa m’uai ba Yehova ukwenyi, nyara: inyutho bero ma cen m’usagu ma kwong’a, kum ilubo tok awobi ngo, kadok jucan kadi julonyo.

1 Samwil 14:24

E dhanu mir Israel cwinygi dieng’ ceng’ maeca; kum Saul ukwong’o dhanu, ewacu kumae, Kwong’ ubed wi ng’atu m’ucamu cemo moko maram uthieno wok ko, man aculo kwor wi judegina. Kum kumeno dhanu moko mbe m’ubilo cemo.

1 Samwil 14:28

Ng’atu acel m’i Idnd dhanu ulund uloko lembe, man ewacu kumae, Wuru ng’olo ni dhanu ngili ngili ku kwong’, ewacu kumae, Kwong’ ubed wi ng’atu m’ucamu cemo i ceng’ maeni. E dhanu givoc.

1 Samwil 15:13

Man Samwil ubino ba Saul; e Saul uwacu ire kumae, Mugisa pa Yehova bed kudi: atimo lembang’ola pa Yehova.

1 Samwil 23:21

Man Saul uwacu kumae, Mugisa pa Yehova kwanywu; kum ngisi negowu i kuma.

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.