Jupoklembe 14:4 - The Holy Bible In Alur (Lur) Revised Orthography

⁴ Ento won ku min ging’eyo ngo nia maeni ai ba Yehova; kum eyenyo kalembe wi Jufilisti. Nwang’u i nindo maeca Jufilisti gibimo wi Israel.

Jupoklembe 14:4 ပူးပေါင်းရင်းမြစ်များ

1 Ubimo 12:15

Kum kumeno ubimo winjo dwand dhanu ngo; kum en e lembe ma Yehova ketho uwoki, kara eketh lembe pare cungi, ma Yehova yero ku dhu Ahija ma Jaciloni ni Yeroboam ma wod Nebat.

1 Ubimo 12:24

Yehova wacu kumae, Kud wuidh malu, kadi kud wukied kum utumegwu ma nyithindho mir Israel; wudok kewu ceke ng’atuman ba ot pare man ba ot pare; kum gin maeni ai i bang’a. Kum kumeno giwinjo lembe pa Yehova, e gidok gicidho i yo migi, calku lembe pa Yehova.

2 Ubimo 6:33

E kinde ma fodi ebeweco i bang’gi, nen, jakwendane loro piny i bang’e: e ewacu kumae, Nen, gin ma rac maeni ai ba Yehova; nedi akur Yehova asu?

2 Lemkei 10:15

Kum kumeno ubimo winjo dwand dhanu ngo; kum Mungu ketho lembene timbre en, kara Yehova keth lembe pare cungi, m’eyero ku dhu Ahija ma Jaciloni ni Yeroboam ma wod Nebat.

2 Lemkei 22:7

Nwang’u nyoth pa Ahazia ai ba Mungu, kum ecidho ba Yoram: kum kinde m’ebino, ewok woko giku Yehoram kum Yehu ma wod Nimci, ma Yehova wiro kara ekab juot pa Ahab.

2 Lemkei 25:20

Ento Amazia kwero winjo; kum eai ba Mungu, kara emigi i cing’ judegi migi, kum giyenyo tok mungu mir Edom.

Zaburi 115:3

Ento Mungu mwa ni i polo: Etimo gin ma nyayu mutoro i ie.

Daniel 6:4

Judongo ku jego gilund giyenyo ginwang’ lembe kum Daniel pi ker; ento gicopo nwang’u lembe moko ngo kadok lem ma rac, kum en e mandha, kadok kier moko kadi lem ma rac de junwang’u i ie ngo.

Poi Mi Cik 28:48

ka kumeno ibitimo ni judegini ma Yehova bioro i wii, ku kec, man ku rieu, man ku muneru, man ku canpiny mi gin ceke: e ebiketho mberembere mi nyunyu i ng’uti, cil m’enyothi ko.

Yocuwa 11:20

Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Jupoklembe 13:1

Man nyithindho mir Israel utimo gin ma rac kendo i wang’ Yehova, man Yehova kethogi i cing’ Jufilisti rundi pier ang’wen.

Jupoklembe 14:5

Samson ulund uloro piny, man won ku min, i Timna, man giwok kum podho mir ulok mi Timna: man, nen, nyathin umvor urundo i wie.

Jupoklembe 15:11

Dhanu mi Yuda rubanga adek gilund giloro piny ba odcana mir Etam, man giwacu ni Samson kumae, Ing’eyo ngo nia Jufilisti gi jubim i wiwa? Meni ke ang’o m’itimo i kumwa? Man ewacu igi kumae, Calu gitimo i kuma, atimo i kumgi kumeca.

Jupoklembe 15:3

Man Samson uwacu igi kumae, Wang’uni lembe bibedo i wia ngo pi Jufilisti, kan atimogi rac.