Jupoklembe 13:8 - The Holy Bible In Alur (Lur) Revised Orthography
8 Manoa lund ukwayu Yehova, man ewacu kumae, A, Rwoth, akwei, wek dhanu pa Mungu m’ioro ubin kendo i bang’wa, man eponjwa maram wabitimo ko kum nyathin ma jubinyolo.
Dhakune lund ubino eyero ni cware, ewacu kumae, Dhanu pa Mungu bino i bang’a, man wang’e bedo va wang’ malaika pa Mungu, m’ung’oi ndiri; man apenje ngo pi ka m’eai i ie, kadok nyinge de eyero ira ngo:
ento ewacu ira kumae, Nen, ibigamu ii, man ibinyolo nyathin ma nico; e kawono kud imadh pigulok moko kadi giramadha ma lake tek, man kud icam gin moko m’ucido; kum nyathin bibedo Janaziri ni Mungu ugambre kud i ic cil i ceng’ mi tho pare.