Jupoklembe 13:7 - The Holy Bible In Alur (Lur) Revised Orthography

⁷ ento ewacu ira kumae, Nen, ibigamu ii, man ibinyolo nyathin ma nico; e kawono kud imadh pigulok moko kadi giramadha ma lake tek, man kud icam gin moko m’ucido; kum nyathin bibedo Janaziri ni Mungu ugambre kud i ic cil i ceng’ mi tho pare.

Jupoklembe 13:7 ပူးပေါင်းရင်းမြစ်များ

Yeremia 35:6

Ento giwacu kumae, Wabimadhu pigulok ungo; kum Yonadab ma wod Rekab, ma wegwa, ng’olo iwa, ewacu kumae, Kud wumadh pigulok, kadok wun, kadi wotwu, mi nja:

Amos 2:11

Man ating’o wotwu ni jubila, man kind awobi mu ni Junaziri. Ebedo kumeno ngo, E nyithindho mir Israeli? Yehova wacu.

Kitabu Mir Ang’wende Pa Musa Wel 6:2

Yer ni nyithindho mir Israel, man iwac igi kumae, Kinde ma nico kadi dhaku timo lembang’ola ma dit, lembang’ola pa Janaziri, kara ekoire gire ni Yehova,

Jupoklembe 13:4

Ka kumeno kawono gwokri giri, akwei, man kud imadh pigulok kadi giramadha ma lake tek, man kud icam gin moko m’ucido:

Jupoklembe 13:6

Dhakune lund ubino eyero ni cware, ewacu kumae, Dhanu pa Mungu bino i bang’a, man wang’e bedo va wang’ malaika pa Mungu, m’ung’oi ndiri; man apenje ngo pi ka m’eai i ie, kadok nyinge de eyero ira ngo:

Jupoklembe 13:8

Manoa lund ukwayu Yehova, man ewacu kumae, A, Rwoth, akwei, wek dhanu pa Mungu m’ioro ubin kendo i bang’wa, man eponjwa maram wabitimo ko kum nyathin ma jubinyolo.