Jupoklembe 11:8 - The Holy Bible In Alur (Lur) Revised Orthography

⁸ Man judongo mi Gilead giwacu ni Yeftha kumae, Ka kumeno walokra kendo i beng’i kawono, kara wacidh wakudu, man wakiedu ku nyithindho mir Amon; man ibibedo jawiwa mi dhanu ceke mi Gilead.

Jupoklembe 11:8 ပူးပေါင်းရင်းမြစ်များ

1 Ubimo 13:6

Man ubimo loko lembe ewacu de ni dhanu pa Mungu kumae, Kawono kwai bero pa Yehova Mungu peri, man irwo pira, kara cinga dwog ira kendo kakare. E dhanu pa Mungu kwayu Yehova, man cing ubimo dwogo kendo ire kakare, man edoko calu ma naka ebedo.

Ai 10:17

Ka kumeno kawono, akwei, wek dubo para woko wang’ maeni kende, man wukwai Yehova Mungu mu, kara ekab tho maeni kud i bang’a kende.

Ai 8:28

E Farao wacu kumae, Abiweko wucidhi, kara wulam lam ni Yehova Mungu mu i langa; ento wubicidho bor hai ungo: wukwai pira.

Ai 8:8

Farao lund ulwong’o Musa giku Harun, man ewacu kumae, Wukwai Yehova, kara ekab ungwal woko kud i bang’a, man ku ba dhanu para; e abiweko dhanu cidho, kara gilam lam ni Yehova.

Ai 9:28

Kwai Yehova; kum morpolo maeni pa Mungu romo man pei; man abiweko wucidhi, e wubidong’ kendo ngo.

Jupoklembe 10:18

Man dhanu, ma judongomawijo mi Gilead, giwecri gigi kumae, Ng’atu ma kani ma bilar kwong’o kiedo ku nyithindho mir Amoni? ebibedo wie mi dhanu ceke m’ubedo i Gilead.

Jupoklembe 11:9

Man Yeftha wacu ni judongo mi Gilead kumae, Tek wutera thuwa kendo kara wakied ku nyithindho mir Amon, man Yehova kethogi i wang’a, abibedo jawiwu?