Jupoklembe 11:34 - The Holy Bible In Alur (Lur) Revised Orthography

³⁴ Man Yeftha dwogo Mizpa ba ot pare; man, nen, nyare wok woko nirombo kude kud umbukulumbu man ku miel: man en e nyathin pare kulong’; ebedo ku wode moko ngo kadi nyare ndhu e kende.

Jupoklembe 11:34 ပူးပေါင်းရင်းမြစ်များ

2 Samwil 6:14

E Daudi miel i wang’ Yehova ku tegone ceke; man Daudi kendo ugoke mi bongu ma nwang’.

Zaburi 150:4

Wupake kud umbukulumbu man miel: Wupake ku jambwer ma ju thondhe man usegu.

Zaburi 68:25

Juwer gilar gicidho, weg adungu gilubo tokgi, I kind nyir ma gigoyo umbukulumbu.

Ai 15:20

Man Miriem ma jabila ma dhaku, ma nyamin Harun, umaku umbukulumbu i cinge; man mon ceke gilubo toke kud umbukulumbu ku miel.

Yeremia 31:13

E anyong’a bilund nego nyaku ma sumba i miel, kud awobi man judongo karacelo; kum abiloko ywak migi ni mutoro, man abijukogi, man abiketho anyong’a negogi ni can migi.

Yeremia 31:4

Abigomi kendo, e ibigombri, E nyaku ma sumba mir Israel: ibibedo aruka ku jambruko peri kendo, man ibiwok woko i miel mi ju m’utimo mutoro.

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Luka 7:12

Nie kan ewok ceng’ni dhugang’ mir adhura, nen, juyeyo avu dhanu, en e wod min kulong’, en de e dhaku ma cware tho: man dhanu dupa mir adhura ginuti gikugi.

Luka 8:42

kum ebedo ku nyare acel kulong’, m’ucamu rundi calu apar wi ario, edhingo tho. Ento kan ebecidho udul dhanu gicungri i kume.

Luka 9:38

Man nen, ng’atu acel m’uai bang’ udul dhanu kok akoka, ewacu kumae, Japonji, akwei inen kum woda; kum en e nyathin para kulong’:

Yocuwa 18:26

ku Mizpa, man Kefira, ku Moza,

Jupoklembe 10:17

Nyithindho mir Amon gilund gicokri karacelo, man gigonjo i Gilead. Man nyithindho mir Israel gicokri gigi karacelo, man gigonjo i Mizpa.

Jupoklembe 11:11

Yeftha lund ucidho karacelo ku judongo mi Gilead, man dhanu gikethe ni jawic ku rwoth i wigi: e Yeftha yero lembe pare ceke i wang’ Yehova i Mizpa.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.

Jupoklembe 21:21

man wunen, man, nen, tek nyir m’i Cilo wok woko nimielo miel, e wuwok woko kud i podho mir ulok, man kubeng’wu kubeng’wu ng’atuman umak dhaku pare i kind nyir m’i Cilo, man wudok i ng’om pa Benyamin.