Jupoklembe 10:16 - The Holy Bible In Alur (Lur) Revised Orthography

¹⁶ E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.

Jupoklembe 10:16 ပူးပေါင်းရင်းမြစ်များ

Thangambere 6:6

Man Yehova lokre kum etimo dhanu wi ng’om, man can unege i adundene.

2 Ubimo 13:23

Ento Yehova nyutho bero igi, man ngisi nege i kumgi, man epido pigi, kum lembariba pare ma kud Ibrahim kud Isak, man Yakobo, man eyenyo ngo enyothogi, kadok abaya de fodi ebayugi kud i vute ngo.

2 Lemkei 15:8

Man kinde ma Asa winjo lembe maeni, ku lembila pa Oded ma jabila, cwinye doko tek, man ekabu ginmajudagu woko kud i ng’om ceke mi Yuda ku Benyamin, man kud i adhura m’emaku ku ba ng’om gudi mi Efraim; man edwoko pemblam pa Yehova nyen, ma ni i wang’ pondot pa Yehova.

2 Lemkei 33:15

Man ekabu woko mungu ma wirok, man mungu m’araga kud i ot pa Yehova, ku pemblam ceke m’eguro wi got mi ot pa Yehova, man i Yerusalem, e ebayugi woko kud i adhura.

2 Lemkei 7:14

tek dhanu para, m’ulwongre ku nyinga, bijwigri gigi, man gibirwo, gibiyenyo wang’a de, man gibilokri kud i yo migi mi dubo; abilund winjo kud i polo, man abiweko dubo migi woko, e abicangu ng’om migi.

Zaburi 73:21

Kum can unego ng’eyong’ec para, Man jucobo adundena:

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Hoseya 14:8

Efraim biwacu kumae, Abibedo kud ang’o kendo ku mungu m’araga? Aloko lembe, man abinene: an a calu sipre ma numu; nyingi nwangre i bang’a.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Luka 15:20

E eai, ebino de ba won. Ento ka fodi eni bor, won unene, ngisi nege de, man eringo, egwaku ng’ute, ecwio limbe de.

Luka 19:41

E kan edhingo ceng’ni, eneno adhura eywak de i kume,

Yohana 11:34

man ewacu kumae, Wukethe kani? Giwacu ire kumae, Rwoth, bin inen.

Juefeso 4:32

man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Juebrania 3:10

Kum kumeno lembe ton i ia kum dhanum’utuk maeni, Man awacu kumae, Gidubo thiri thiri ku yo i adundegi: Ento ging’eyo yo para ngo;

Juebrania 4:15

Kum wakubedo ku jalam ma dit ungo ma can kunege ngo kum ng’ic ma wa ng’ic ko; endre ng’atu ma jubidhe kum gin ceke ma calu jubidho kowa, ere ma dubo mbe.

Yocuwa 24:23

Ka kumeno kawono dong’ wucor mungu ma juwirok cen ma gini i kindwu, man wulok adundewu ba Yehova, Mungu mir Israel.

Jupoklembe 2:18

Man ka Yehova ting’o igi jupoklembe, e kinde maeca Yehova bedo karacelo ku japoklembene, man ebodhogi kud i cing’ judegi migi i nindo pa japoklembene ceke: kum kisa nego Yehova kum cur migi ma gicur ko kum ju m’usendogi m’ung’abu cwinygi de.

1 Samwil 12:10

Man gilwong’o Yehova, e giwacu kumae, Wadubo, kum waweko Yehova, man watimo ni Balim man Actaroth: ento kawono bodhwa kud i cing’ judegi mwa, man wabitimo iri.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.

1 Samwil 7:4

E nyithindho mir Israel gikabu Balim kud Actaroth cen, man gitimo ni Yehova kende.