Jupoklembe 1:23 - The Holy Bible In Alur (Lur) Revised Orthography

²³ Man juot pa Yusuf uoro juci julib Beth-el. (Nwang’u nying adhurane naka en e Luz.)

Jupoklembe 1:23 ပူးပေါင်းရင်းမြစ်များ

Thangambere 28:19

Man elwong’o nying’ ka maeno Beth-el, ento nying adhurane ma kwong’a Luz.

Thangambere 35:6

Kum kumeno Yakobo bino Luz, ma ni i ng’om Kanan (ma en e Beth-el), en ku dhanu ceke ma ni kude.

Thangambere 48:3

Man Yakobo wacu ni Yusuf kumae, Mungu ma Jategokpo nyuthre ira i Luz i ng’om Kanan, man emio mugisa ira,

Yocuwa 16:1

Man gagi wodhre pi nyithindho pa Yusuf ugambre kum Yordan i Yeriko, kum pi mi Yeriko yo nyangu, ma en e yamba, ma idho malu kud i Yeriko kind ng’om gudi cil kum Beth-el;

Yocuwa 16:2

man ewodhre kud i Beth-el cil kum Luz, man ekadhu cil kum kieu mi Juarki utundo Ataroth;

Yocuwa 18:13

E kieu uai ku kuca ukadhu ba Luz, i ng’et Luz (ma en e Beth-el), yor ariwa ma piny; e kieu loro piny kum Ataroth-adar, kum got ma ni yor ariwa ma piny ni Beth-horon ma piny.

Yocuwa 2:1

Man Yocuwa ma wod Nun uoro dhanu ario kud i Citim ling’ ni julib, ewacu kumae, Wucidhi, wunen ng’ombe, ku Yeriko. Man gicidho, e gimondo i ot pa won asara ma nyinge Rahab, man givuto keca.

Yocuwa 7:2

Man Yocuwa oro dhanu ai i Yeriko cidho i Ai, ma ni i ng’et Beth-aven, yo nyangu ni Beth-el, man eyero igi, ewacu kumae, Wuidh malu man wulib ng’ombe. E dhanu giidho malu man gilibo Ai.

Jupoklembe 1:22

Man juot pa Yusuf bende, giidho malu kum Beth-el; e Yehova ni karacelo kugi.

Jupoklembe 18:2

Man nyithindho pa Dan gioro dhanu abic mi wat migi kud i welgi dho, dhanu ma ratego, m’uai i Zora, man m’uai Ectaol, kara gilib ng’om, man ginen i ie; e giwacu igi kumae, Wucidh, wunen i ng’om. Man gibino i ng’om gudi pa Efraim, kum ot pa Mika, e gigonjo keca.