Jupoklembe 1:18 - The Holy Bible In Alur (Lur) Revised Orthography

¹⁸ Yuda maku Gaza bende karacelo ku kieune, man Ackelon karacelo ku kieune, man Ekron ku kieune.

Jupoklembe 1:18 ပူးပေါင်းရင်းမြစ်များ

1 Ubimo 4:24

Kum ebimo wi ng’om ceke ma loka Kulo, ugambre Tifsa cil kum Gaza, wi ubimo ceke ma loka Kulo: man ng’om ukwio ire ng’ete ceke kun ku kun.

Ai 23:31

Man abiketho kieu peri gambre kum Nam Makwar cil ba nam mi Jufilisti, man ku ba langa cil kum Kulo: kum abiketho dhanu m’i ng’ombe i cingi; man ibiriemogi woko kud i weng’i.

Yeremia 25:20

man dhanu m’ajeba ceke, ku ju m’ubimo ceke mi ng’om Uz, ku ju m’ubimo ceke m’i ng’om mi Julilisti, kud Ackelon, man Gaza, ku Ekron, man dong’ dhanu mir Acdod;

Yeremia 47:5

Wie m’uwang’ uwok kum Gaza; judwoko Ackelon ni gin mananu, en e donge m’udong’ i poga migi: ibithumbri giri rokani?

Poi Mi Cik 2:23

Man Juavi, m’ubedo i pacu ma cik i Gaza, gi Jukaftori m’uai woko kud i Kaftor, unyothogi, man gibedo kakagi.)

Yocuwa 11:22

Juanaki moko mbe m’udong’ i ng’om mi njdthindho mir Israel: ndhu i Gaza, man i Gath, ku i Acdod, e ma moko dong’.

Yocuwa 13:3

ugambre kum Cihor, ma en e i wang’ Misiri, cil kum kieu mir Ekron yor ariwa ma malu, ng’om ma jukwane ni Jukanani; man rwodhi abic mi Jufilisti; en e Jugazi, man Juacdodi ku Juackeloni, man Jugiti, ku Juekroni; ku Juavi bende,

Yocuwa 15:11

man kieu wodhre yor ariwa ma malu ng’et Ekron; man kieu cidho kum Cikeron, e ekadhu kum got Bala, man ewodhre kum Yabnel; man kawok mi kieu en e dhu nam.

Jupoklembe 14:19

E Tipo pa Yehova bino i wie ku tego, man eloro piny Ackelon, man enego dhanu pier adek m’i kindgi, egamu ayeki migi de, man emio kendi m’alawa ni ju m’uewo koine. Man ng’ecwiny pare opo, man eidho malu ba ot pa won.

Jupoklembe 16:21

Man Jufilisti gimake, man giwodho wang’e woko; e gikele piny i Gaza, man gitwie ku jambtwic mi mola: man erego rego i otkol.

Jupoklembe 3:3

thekne gi eni, rwodhi abic mi Jufilisti, ku Jukanani ceke, ku Jusidoni, ku Juhivi m’ubedo i got Lebanon, ugambre kum got Balhermon cil kum kamondo mi Hamath.

1 Samwil 6:17

Man maeni gi vur mi mola ma kwar ma Jufilisti gidwoko ni girathiera mi kier ba Yehova: mi Acdod acel, mi Gaza acel, mi Ackelon acel, mi Gath acel, mi Ekron acel;