Jufilipi 4:12 - The Holy Bible In Alur (Lur) Revised Orthography

¹² Ang’eyo maram jujwigri ko, ang’eyo maram jusagri ko bende: i gin ceke man i gin ceke kubang’gi kubang’gi agamu ng’eyo lembamung’a nini con, ku bedo ku yeng’o man ku kec bende, ku sagri ku bedo ku canpiny bende.

Jufilipi 4:12 ပူးပေါင်းရင်းမြစ်များ

Nehemia 9:20

Imio Tipo peri ma ber bende kara uponjgi, man itwonogi ku mana peri ngo i dhoggi, man imio igi pi ni rieu migi.

Isaya 8:11

Kum Yehova yero kumeni ira ku cing’ ma tek, man eponja ya kud awoth i yo mi dhanu maeni, ewacu kumae,

Yeremia 31:19

Andha yo ng’ei lok ma juloka ko, aloko cwinya; man yo ng’ei ponji ma juponja ko, agoyo bamba; lewic unega, eyo, cwinya ng’abre, kum ayeyo cac mir aradu para.

Matayo 11:29

Wuting’ mberembere para i wiwu, wumak ponji de i bang’a; kum an a ming’ a mol de i adunde: e wubinwang’u yom i ng’eyong’ec mu.

Matayo 13:52

Man ewacu igi kumae, Ka kumeno ku ba jugorcik nzu ma judwoke jalub mi ker m’i polo e calu ng’atu ma won ot, m’ewodho woko kud i kind piny pare m’akana giki ma nyen ku giki m’uti.

2 Jukorinto 10:1

Nie an a Paolo ku kita abekwayuwu ku molcwiny ku bedoyo de pa Kristu, an ma kan ani i vutwu abedo ming’ i kindwu endre kan ambe abedo ku tegocwiny yor i beng’wu:

2 Jukorinto 10:10

Kum, giwacu kumae, Waraga pare gi pek gi tek de; ento ku kume e ng’ic, wec pare de en e mananu.

2 Jukorinto 11:27

i tic ma jumuli ko ku sendri, i kurokur wang’ udul, ku kec ku rieu de, ku kwirocam de wang’ udul, ku koyo ku muneru de.

2 Jukorinto 11:7

Kadi atimo dubo kum ajwigra gira kara judodwu malu, kum ayero iwu lembanyong’a ma juboth ko pa Mungu mananu?

2 Jukorinto 11:9

man kinde ma ani i beng’wu ma can piny bende ni i kuma, abedo ter ni ng’atu moko ngo: kum umego, kinde ma giai i Makedoni, gin e ma gimio m’ukabu can piny ma ni i kuma; man i gin ceke akura gira kara kud abed ni ter iwu, man abigwokra gira kumeno,

Poi Mi Cik 32:10

Enwang’e i ng’om ngele, Man i langa ma ie nanu ma ng’oyo ndiri de; Etieke, egwoke, Egwoke calu nying wang’e.