Jufilipi 3:9 - The Holy Bible In Alur (Lur) Revised Orthography

⁹ man junwang’a i ie, m’abedo ku bedopwe para an ungo, cil maeno ma mi cik, ento maeno ma en e mi yioyic pa Kristu re, bedopwe m’uai ba Mungu ni kum yioyic:

Jufilipi 3:9 ပူးပေါင်းရင်းမြစ်များ

Thangambere 7:23

E gin ceke ma kwo kubang’e kubang’e unyothre ma ni i wang’ ng’om, dhanu, ku lim, man gin ma lak wi ng’om, ku winyo ma kor polo; e ginyothri kud i ng’om: man Noa kende e m’udong’, ku ju ma gini kude i avur.

1 Ubimo 8:46

Tek gidubo iri (kum ng’atu moko mbe ma dubo ngo), man ng’ecwiny unegi i kumgi, man imiogi ni jadegi, ketho nia giyakugi man giterogi ni ng’eca i ng’om pa jadegi, bor kadi ceng’ni;

2 Lemkei 32:25

Ento Hezekia timo kendo ngo calku kony m’utimbre ire; kum adundene tingre malu: ka kumeno kwinyo ni i wie, man wi Yuda ku Yerusalem.

2 Lemkei 32:31

Ento i lembe mi jukwenda mi judongomawijo mi Babeli, m’uoro kwenda i bang’e kara gipenj pi gin ma wang’uijo m’utimbre i ng’om, Mungu weke, kara emul ie, kara eng’ei gin ceke ma ni i adundene.

Zaburi 14:3

Gikier kagi ceke; gicidri karacelo; Ng’atu moko mbe ma timo ber, umbe, acel de mbe.

Zaburi 143:2

Man kud imond i pokolembe ku jatic peri; Kum ng’atu moko mbe ma kwo ma pwe i weng’i.

Zaburi 19:12

Ng’a ma copo ng’eyo kier pare? Dwoka leng’ ni gin m’ubedo amung’a.

Eklizia 7:20

Andha ng’atu ma pwe mbe i ng’om, ma timo ber, ma dubo de ngo.

Isaya 46:13

akelo bedopwe para ceng’ni, ebibedo bor ungo, man both para bigalu ngo; man abiketho both i Sayuni ni Israel ma dwong’ para.

Isaya 53:11

Ebineno sendri mi ng’eyong’ec pare, e cwinye bikwio: ni kum ng’eyong’ec pare gire jatic para ma pwe bigonyo lembe ma wi dhanu dupa; man ebiyeyo kier migi.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Isaya 6:5

Alund awacu kumae, Can i wia! kum athum; kum an a dhanu mi dendhok m’ucido, man abedo i kind dhanu mi dendhok m’ucido: kum wang’a neno Ubimo, Yehova mir udul.

Yeremia 23:6

I nindo pare Yuda biboth, man Israel bibedo museme; man maeni nyinge ma jubilwcng’e ko: Yehova ma bedopwe mwa.

Yeremia 33:16

I nindo maeca Yuda biboth, man Yerusalem bibedo museme; man maeni nying’ m’ebilwongre ko: Yehova, ma bedopwe mwa.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Matayo 9:13

Ento wucidh wung’ei ka thelembe nini, ayenyo kisa, lam re ngo: kum abino lwong’o weg bedopwe ngo, endre judubo.

Jurumi 1:17

Kum bedopwe pa Mungu nyuthre i ie uai ba yioyic utundo kum yioyic; calu egore kumae, Ento weg bedopwe bikwo ni kum yioyic.

Jurumi 10:10

kum kud adunde dhanu yio ni bedopwe; man ku dhok lembatuca jutuco ni both.

Jurumi 16:7

Wumoth Androniko ku Yunia, ma gi wedina, gi jukol wakugi de, ma pigi yik de kind jukwenda, ma gilar gibedo i Kristu ira.

Jurumi 5:21

kara, calu dubo bimo bim i tho, cil kumeno bero ubim bim ni kum bedopwe ni kwo ma rondo ku rondo ni kum Yesu Kristu Rwoth mwa.

Jurumi 8:1

Kum kumeno kawono dong’ pokolembe ma rac umbe wi ju ma gini i Kristu Yesu.

Jurumi 8:3

Kum gin ma copre ngo ni cik, kum ebedo ng’ic ni kum kum, Mungu, m’eoro Wode ma dhe i ayi kum mi dubo man pi dubo, epoko lembe rac kum dubo i kum:

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

2 Jukorinto 5:17

Kum kumeno tek ng’atu moko ni i Kristu, meca en e giracwia ma nyen: gin ma con udaru kadhu; nen, gidoko nyen.

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Jugalatia 2:16

ento wang’eyo nia ng’atu moko mbe ma lembe m’i wie gonjre ku tic mi cik, ndhu ku yic ma juyio ko Yesu Kristu re, e cil wan de wayio Kristu Yesu, kara lembe m’i wiwa gonjre ku yic ma wayio ko Kristu, ni kum tic mi cik re ngo: kum ng’atu moko mbe ma lembe m’i wie bigonjre ku tic mi cik.

Poi Mi Cik 27:26

Kwong’ ubed wi ng’atu m’ukwero ketho lembe mi cik maeni ucungi kara etimgi. E dhanu ceke biwacu kumae, Amen.

Jufilipi 3:6

pir ava tic ke, anyayu ragedo kum kanisa; pi bedopwe ma ni i cik ke, junwang’a ma lembe mbe i wia.

2 Timoteo 1:9

m’elaruwa, m’elwong’owa de ku lwong’o ma leng’, ni kum tic ma watimo wan ungo, ento calu ie yenyo en ku bero, m’umire iwa ni kum Kristu Yesu ku kwong’a,

Tito 3:5

ku tic ma i bedopwe ngo, ma watimo wan, ento calku kisa pare ebodhowa, ni kum lwok mi nyol ma nyen man mi dwokonyen mi Tipo Maleng’,

Juebrania 6:18

kara ni kum gin ario ma lokre ngo, ma i maeni cwayu ndra copre ngo ni Mungu, wabed ku juk ma tek, wan ma waringo wayenyo ko kaboth kara wamak genogen ma juketho i wang’wa;

Yakobo 3:2

Kum i gin dupa wan ceke wakier. Tek ng’atu moko kier ungo i lembe, meca ng’atuca en e ng’atu ma bedo ndhu cu, m’ecopo twinyo kum ceke bende.

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

1 Yohana 3:4

Ku ba dhanu ceke ma timo dubo etimo co bende; dubo de en e camuco.