Juebrania 8:3 - The Holy Bible In Alur (Lur) Revised Orthography

³ Kum ku ba julam ma dongo ceke jukethogi kara giwodh giramia ku lam bende: kum kumeno dong’ jalam ma dit maeni bende ukoubed ku gin m’ethier be.

Juebrania 8:3 ပူးပေါင်းရင်းမြစ်များ

Yohana 6:51

An a kwen mi kwo m’uai i polo loro piny: tek ng’atu moko camu kwen maeni, ebibedo rondo ku rondo: eyo kwen de m’abimio en e ring’ kuma, pi kwo mi ng’om.

Jurumi 4:25

ma juwodhe pi kier mwa, man juting’e pi gony mi lembe m’i wiwa.

Jurumi 5:6

Kum kinde ma fodi wa ng’ic, i nindo m’uromo kakare Kristu tho pi ju ma ayi Mungu mbe i kumgi.

Jurumi 5:8

ento Mungu nyu tho mer pare gire iwa, kum, kinde ma fodi wa judubo, Kristu tho piwa.

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

Juefeso 5:2

man wuwoth i mer, cil calu Kristu bende maruwa, man emire gire piwa, ni giramia ku lam de ni Mungu ni ng’wic gin ma ng’wi ng’ar.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 2:17

Kum kumeno emake ya juketh ebed calu utumin i gin ceke, kara edok ni jalam ma dit, ma won kisa mandha de i gin pa Mungu, kara eduny pi dubo mi dhanu.

Juebrania 3:1

Kum kumeno, umego ma leng’, ma jurib mi Lwong’o m’i polo, iwu pid pi Jakw’enda man Jalam Madit mi lembatuca mwa, en e Yesu:

Juebrania 5:1

Kuni ku ba jalam ma dit, ma jugamu i kind dhanu, jukethogi pi dhanu i gin ma pa Mungu, kara emi giramia ku lam de pi dubo:

Juebrania 7:27

can wodho lam ma ceng’ ku ceng’ unege ngo, calu julam ma dongo maeno, ma lar mio lam pi dubo pare gire, macen ke pi dubo mi dhanu: kum etimo maeni wang’ acel pii, kan ewodhre gire.

Juebrania 8:4

Nie tek en e ma wi ng’om, kuno di k’ebedo jalam ki ngo, kum ju ma giwodho giramia calku cik ginuti;

Juebrania 9:14

e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo?