Isaya 9:6 - The Holy Bible In Alur (Lur) Revised Orthography

⁶ Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Isaya 9:6 ပူးပေါင်းရင်းမြစ်များ

2 Samwil 7:13

Ebigomo ot pi nyinga, man abiketho komker mi ker pare ucung mi nja.

2 Samwil 7:16

Man ot peri ku ker peri jubidwoke tek mi nja i weng’i: komker peri jubiketho cungo mi nja.

1 Ubimo 10:9

Mugisa bed ni Yehova Mungu peri, m’enwang’u mutoro ii, ketho ekethi wi komker mir Israel: kum Yehova maru Israel mi nja, ka kumeni ekethi ni ubimo, kara itim pokolembe ku bedopwe.

1 Ubimo 2:33

Kum kumeno rimbgi bidwogo i wi Yoab, man wi kodhine mi nja: ento kum Daudi, man kum kodhine, man kum ot pare, man kum komker pare, kwiocwiny m’uai ba Yehova bibedo nuti mi nja.

1 Ubimo 2:45

Ento ubimo ma Suleman binwang’u mugisa, man komker pa Daudi bicungo i wang’ Yehova mi nja.

Nehemia 9:32

Ka kumeno kawono, Mungu mwa, ma dwong’, ma jatego, Mungu mi ndiri de, m’ugwoko lembariba ku mer mi bero, kud iyi can ceke nen nok i weng’i, m’uwok i kumwa, i kum ubimo mwa, i kum judongomawijo mwa, man i kum julam mwa, man i kum jubila mwa, man i kum wegwa, man i kum dhanu peri ceke, ugambre i nindo p’ubimo mir Ascur cil tin.

Zaburi 45:3

Twi palamularu peri i pieri, E ng’atu ma tek, Yung peri man dwong’ peri.

Zaburi 45:6

Komker peri en e mi nja ku nja, E Mungu: Uluth m’atira en e uluth mi ker peri.

Zaburi 45:7

Imaru bedopwe, man idagu dubo: Ka kumeno Mungu, Mungu peri, uwiri Ku mo mi mutoro ma sagu juwedu.

Zaburi 50:1

Ng’atu Matek, Mungu, Yehova, eyero, Man elwong’o ng’om ugambre kum kawokceng’ cil kum mwonyne.

Zaburi 72:17

Nyinge bibedo mi nja; Nyinge bibedo cil ma ceng’ nuti: Man dhanu binwang’u mugisa ni kume; Thek ceke bilwong’e jamutoro.

Zaburi 72:3

Gudi bikelo kwiocwiny ba dhanu, Man ungulu gudi, ku bedopwe.

Zaburi 72:7

Lembe bibedo miero ni ng’atu ma pwe i nindo pare, Man kwiocwiny ma dit, cil ma dwi bithum ko.

Zaburi 85:10

Kisa ku lemandha girombo karacelo; Bedopwe ku kwiocwiny gimothri ku cwic.

Zaburi 89:5

Man polo bipaku musana peri, E Yehova; Bedo mandha peri bende i cokri mi jumaleng’.

Lembrieko 8:23

Jukana ugambre rondo ku rondo, ugambre i thangambere, Ma fodi ng’om kubedo nuti ngo.

Isaya 10:21

Donge m’udong’ bidwogo, en e dong Yakobo, ba Mungu ma Jatego.

Isaya 11:5

Man bedopwe bibedo ni jamtwic mi ie, bedo mandha ke bibedo ni thondh piere.

Isaya 16:5

E jubiketho komker cungo i mer mi bero; e ng’atu moko bijany i wie i lemandha, i hema pa Daudi, m’ebepoko lembe, m’ebeyenyo lembapoka de, m’ebedo kud amora kum timo bedopwe.

Isaya 26:12

Yehova, ibing’olo kwiocwiny piwa; kum itimo tic mwa ceke bende iwa.

Isaya 26:3

Ibigwoko ng’atu ma pidoie moko i kumi i kwiocwiny ma ndhu cu; kum egeni.

Isaya 28:29

Maeni bende ai ku ba Yehova mir udul, m’ewang’u ijo i lembapora, man m’e ber hai i rieko.

Isaya 32:1

Nen, ubimo bicamu ker ku bedopwe, man judongomawijo bibimo ku pokolembe.

Isaya 37:32

Kum dong’dhanu biwok woko kud i Yerusalem, man ju ma giboth kud i Sayuni. Ngiri pa Yehova mir udul bitimo maeni.

Isaya 53:10

Ento ebedo ber ni Yehova ya enyai rem i kume; enyayu can i kume: kinde m’ibidwoko ng’eyong’ec pare ni lam mi dubo, ebineno kodhi pare, ebimedo nindo pare, man gin ma nyayu mutoro i Yehova bibedo miero i cinge.

Isaya 53:2

Kum edongo i wang’e calu girapidha ma ng’ic, man calu ulag piny kud i ng’om m’uthwo: kite kadi berone de mbe; man kinde ma wanene, bero moko mbe ma nia wayenye.

Isaya 53:5

Ento jutong’o lero i kume pi gondri mwa, junyayu rem i kume kum kier mwa; ponji mi kwiocwiny mwa ni i wie; man wacangu ni kum goc pare.

Isaya 63:16

Kum in i Wegwa, kadok Ibrahim ung’eyowa ngo, man Israel uyiowa ngo: in, E Yehova, in i Wegwa, Jawar mwa m’ugambre con en e nyingi.

Isaya 66:12

Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Isaya 8:18

Nen, an ku nyithindho ma Yehova mio ira wan wa mi giranyutha ku musana i Israel m’uai ba Yehova mir udul, m’ubedo wi got Sayuni.

Yeremia 31:22

Ibicidho kun ku kun rokani, E nyaku m’ucoro ceni? kum Yehova cwio gin ma nyen i ng’om: Dhaku bitieko nico.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Hagai 2:9

Dwong’ ma cen mi ot maeni bisagu ma kwong’a, Yehova mir udul uwacu; man i ka maeni abimio kwiocwiny, Yehova mir udul uwacu.

Matayo 1:1

Kitabu mi thekwaru pa Yesu Kristu, wod Daudi, wod Ibrahim.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Luka 1:35

Malaika dwoko lembe ewacu ire kumae, Tipo Maleng’ bibino i wii, man tego pa Ng’atu ma Malu Ngbir tipone biumi: kum kumeno bende gin maleng’ m’ibinyolo jubilwong’o Wod Mungu.

Luka 2:11

kum tinuni junyolo iwu i adhura pa Daudi Jalar, ma en e Kristu ma Rwoth.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Luka 21:15

kum abimio iwu dhok man rieko, ma judegi mu ceke bicopo piemo ngo kadi ajaya de.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:16

kum wan ceke wagamu kum gin m’epong’ ko, man bero wi bero.

Yohana 14:27

Aweko kwiocwiny i beng’wu; amio iwu kwiocwiny para: amio iwu calu ma ng’om mio ngo. Adundewu kud upidi, kadok lworo de kud unege.

Tic Mi Jukwenda 10:36

Lembe ma yang’ eoro ni nyithindho pa Israel m’eyero lembanyong’a mi kwiocwiny kum Yesu Kristu (en e Rwoth mi ceke)

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

Jurumi 9:5

ma kwaru en e migi, ma Kristu bende ai i bang’gi calku kum, ma ceke eni i wie, Mungu ma won mugisa ma nja. Amen.

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

1 Jukorinto 15:25

Kum ebikocamu ker be, cil m’ebiketho ko jukwoje ceke the tiende.

2 Jukorinto 5:19

en e kumeni, ya Mungu ni i Kristu m’ebepoto ng’om ire gire, ma k’ebekwanu kier migi igi ngo, nwang’u emio iwa lembe mi pot.

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

Jukolosai 2:3

ma piny m’akana ceke mi rieko ku ng’eyong’ec de ubedo apana i ie.

1 Timoteo 3:16

Ebedo mi piem ungo nia giramung’a mi bedo ma ayi Mungu ni kume e dit; Ng’atu m’unyuthre ku kum, Tipo nwang’u lembe pare ber, Malaika de gineno, Juyero pire de i kind thek, Juyic de i ng’om, Jujole de malu i dwong’.

Tito 2:13

ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu;

Juebrania 1:8

ento pi Wod re ewacu kumae, E Mungu, komker peri en e mi rondo ku rondo; Man uluth mi lembatira en e uluth mi ker peri.

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.

Jupoklembe 13:18

Man malaika pa Yehova wacu ire kumae, Nedi ipenjo nyinga, kum en e nying’ mi wang’uici?