Isaya 9:4 - The Holy Bible In Alur (Lur) Revised Orthography

⁴ Kum ituro mberembere mi ter pare, man jamjeng’ mi goke, ma uluth pa jasende, calu i nindo mi Midian.

Isaya 9:4 ပူးပေါင်းရင်းမြစ်များ

Thangambere 27:40

Man ibibedo ni kum palamularu peri, man ibitimo ni umeru; Man ebitimbre, kinde m’ibigonjri, Nia ibikiro mberembere pare woko kud i ng’uti.

Zaburi 125:3

Kum uluth mi dubo bibedo ngo wi makapiny mi ju ma pwe; Kara ju ma pwe ku giriei cing’gi kum kier.

Zaburi 81:6

Akabu goke ku kum ter: Cinge ai ku kum katoko.

Isaya 10:16

Ka kumeno Rwoth, Yehova mir udul, bioro mok ma jumok ko kind jupare m’ucwe; man jubicwinyo wang’u ma calu wang’upiny mi mac the dwong’ pare.

Isaya 10:5

E Jaascuri, in i uluth mi ng’ecwiny para, in i dul ma kwinyo para ni i cingi!

Isaya 14:25

nia abituro Jaascuri i ng’om para, man abinyone the tielo wi gudi para: e mberembere pare bilund ai kud i kumgi, man ter pare biai kud i gokgi.

Isaya 16:4

Wek jupara ma juriemo bed karacelo kudi; pi Moab, bed girauma ire ni wang’ janyoth. Kum juranju javug, nyoth ujik, jusend ginyothri kud i ng’om.

Isaya 47:6

Kwinyo nega kum dhanu para, acido aba para, man amiogi i cingi: kisa negi ngo i kumgi; iketho mberembere peri pek hai wi ju m’uti.

Isaya 49:26

Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.

Isaya 51:13

man wii wil kum Yehova ma Jacwicni, m’erieyo polo, man m’eketho the ng’om; ma lworo negi ceng’ du thiri thiri kum kwinyo pa jasend, kinde m’eyiko piny mi nyotho nyothi? e kwinyo pa jasend ni kani?

Isaya 52:2

Yengri giri ku i utur; ai, jany wi komker peri, E Yerusalem; gonjri giri kud i twic m’i ng’uti, E Nyasayuni ma ng’eca.

Isaya 54:14

Jubiketho icungo i bedopwe: ibibedo bor ku masendi, kum lworo binegi ngo; man ni ndiri, kum ebibino ceng’ni i vuti ngo.

Isaya 9:5

Kum jamtho ceke pa won jamtho i yakni, man kendi ma jujung’o i rimo, bibedo mir awang’a, ni yen mi mac.

Yeremia 30:8

Man ebitimbre i ceng’ maeca, Yehova mir udul uwacu, nia abituro mberembere pare kud i ng’ute, man abicodo twic peri; e juwirok bidwoke ni ng’eca migi kendo ngo;

Yeremia 48:17

Kewu ceke ma wutieke, wuywage, man kewu ceke ma wung’eyo nyinge; wuwac kumae, Uluth ma tek utur mire ma, uluth ma leng’!

Lembe Mi Julawi 26:13

An a Yehova Mungu mu, m’uwodhowu woko kud i ng’om Misiri, kara kud wubed ng’eca migi; man aturo utwindi mi mberembere mu, man aketho wucidho atira.

Nahum 1:13

Man kawono abituro mberembere pare kud i beng’i, man abituro kol peri woko.